محمد لادێ – ههولێر
لە داهێنانێکی نوێدا کە دەبێتە وەرچەرخان لە بنیادنانی شارە زیرەکەکاندا، زاناکان جۆرە شووشەیەکی شەفافیان پەرە پێ داوە کە توانای هەیە وەک پانێڵی خۆرەکی (Solar Cell) کار بکات. ئەم تەکنەلۆژیا نوێیە ڕێگە دەدات پەنجەرەی ماڵ و باڵەخانە بەرزەکان، جگە لە دابینکردنی ڕووناکی، تیشکی خۆرمان بۆ بکەنە وزەی کارەبا.
ئەم شووشە زیرەکانە بە ماددەی وەک “پێرۆڤسکایت” یان “خانە گەردیلەییەکان” ڕووپۆش کراون کە تیشکی سەرووبنەوش و ژێرسوور دەمژن بێ ئەوەی کار بکەنە سەر ڕوونییەکەی. پسپۆڕان پێیان وایە ئەم داهێنانە باڵەخانە شووشەییەکان دەکاتە وێستگەی گەورەی بەرهەمهێنانی وزە، ئەمەش تێچووی کارەبا بە ڕێژەیەکی بەرچاو کەم دەکاتەوە و پارێزگاری لە ژینگەی جیهانیش دەکات.