محمد لادێ – ههولێر
بەپێی دوایین ڕاپۆرتە پشتڕاستکراوە نێودەوڵەتییەکان، سیستەمی کەشوهەوای زەوی چووەتە قۆناغێکی مەترسیدارەوە. پلەکانی گەرما لە چەندین ناوچەی جیهاندا ڕیکۆردی مێژوویی نوێیان تۆمار کردووە، ئەمەش ڕاستەوخۆ پرۆسەی تووانەوەی بەستەڵەکەکانی لە جەمسەری باکوور، باشوور و گریلاند زۆر خێراتر کردووە لەوەی چاوەڕوان دەکرا.
زانایان هۆشداری دەدەن کە بەردەوامیی ئەم شۆکە گەرماییە دەبێتە هۆی بەرزبوونەوەی ئاستی ئاوی دەریاکان و ژێرئاوکەوتنی شارە کەناراوییەکان، لەگەڵ زیادبوونی شەپۆلی گەرما و ئاگرکەوتنەوە لە دارستانەکان.
ڕێکخراوە ژینگەییەکان جەخت دەکەنەوە کە ئەگەر وڵاتە پیشەسازییەکان بەپەلە دەردانی گازە گەرمکەرەوەکان کەم نەکەنەوە، جیهان ڕووبەڕووی کارەساتێکی گەورەتری ژینگەیی و ئابووری دەبێتەوە و کۆنترۆڵکردنی ئەستەم دەبێت.