دوێنێ، د. سالار عوسمان، بەرپرسی بەشی ڕۆشنبیری و ڕاگەیاندنی پ.د.ک، بە یاوەری ژمارەیەک لە ئەندامان و هەڤاڵانی بەش سەردانی دەزگای چاپ و بڵاوکردنەوەی موکریانی کرد.
سەردانەکە بە مەبەستی پیرۆزبایی ٢٦ـەمین ساڵیادی دامەزراندنی دەزگاکە بوو.
لە دیدارەکەدا، د. سالار عوسمان وێڕای دەستخۆشی لە سەرپەرشتیار و تەواوی ستافی دەزگاکە، ڕۆڵی دەزگای موکریانی وەک ناوەندێکی پێشەنگ لە خزمەتکردن بە کتێبخانەی کوردی و پەرەپێدانی بزووتنەوەی ڕووناکبیری بەرز نرخاند.
هەروەها، جەختی لە گرنگیی بەردەوامیی ئەو دەزگایە کردەوە لە ئەرکە نیشتمانی و ڕۆشنبیرییەکانیاندا بۆ دەوڵەمەندکردنی هزر و ئەدەبی کوردی، و هیوای سەرکەوتنی زیاتری بۆ خواستن لە کارەکانی داهاتوویان.