ئێڤاریا ئەڤرۆ پێنج شەمبی، رێکەفتی ١١ـی حوزەیرانا ٢٠٢٦ـێ، د رێورەسمەکێ ژ هەژی دا، جەنابێ سەرۆک مەسعود بارزانی رێبەر و لێڤەگەرێ گەلێ کوردستانێ، بارەگایێ نوی یێ لقێ ئێکێ پارتی دیموکراتی کوردستان ل باژێرێ دهوکێ ڤەکر.
ل دهستپێكا سهرەدانێ، سەرۆک بارزانی، ئاڤاهیێ نوی یێ لقێ ب فەرمی ڤەکر و پاشان ل گەل بەرپرس و کارگێر و بەرپرسێن ناوچێن لقێ کۆمبوو و پیرۆزبایی یا بارەگایێ نوی ل وان کر، و ژ نێزیکڤە ئاگەهداری رەوشا کار و چالاکیێن لقێ بوو.
هەروەسا د هەمان رێورەسم دا، جەنابێ سەرۆک بارزانی پێشانگەها “پانوراما چالاکیێن لقێ ئێک” ڤەکر کو د ڤێ پێشانگەهێ دا، مێژوویا پڕ شکۆیا لقێ ئێک و قۆناغێن جودایێن خەباتا وێ ب رێیا وێنە، بەلگەنامە و دۆکیۆمێنتان هاتبوونە نیشاندان، کو دیتنەکا بەرفرەهـ ل سەر رۆلێ لقێ ل دەڤەرێ دایە.
سەرۆک بارزانی د پەیڤەکێ دا، دەستخۆشی ل بەرپرس و سەرجەم کارگێر و کادرێن لقێ ئێک کر بۆ وان بزاڤێن بەردەوام یێن دکەن ژ پێخەمەت خزمەتکرنا ئاخ و خەلکێ دەڤەرێ و پاراستنا بنەمایێن نیشتیمانی و ئایدیۆلۆژیا پارتی و بجهئینانا ئەرکێن نەتەوەیی و ئەو راسپاردن کو بەردەوام د ناڤا جەماوەرێ دەڤەرێ دا بن و خزمەتا خەلکێ شەرەفمەندێ دھۆک و سێمێلێ بکەن.