دوێنێ، لە شاری تبلیسیی پایتەختی جۆرجیا، بە سەرپەرشتیی شفا بارزانی، سەرپەرشتیاری ڕەوەندی کوردستانی لە بارەگای بارزانی، سێیەمین کۆنفرانسی کوردانی قەفقازیا بە ناونیشانی (هەمەڕەنگیی ئایینی لەنێو کۆمەڵگەی کوردیدا) و بە ئامادەبوونی کوردانی ١٩ وڵاتی جیهان بەڕێوە چوو.
ڕۆژنامەنووس (کاروان باعەدری)، وەک نوێنەری بەشی ڕۆشنبیری و ڕاگەیاندنی پارتی دیموکراتی کوردستان، لە کۆنفرانسەکەدا ئامادە بوو.
لە کۆنفرانسەکەدا دوو پانێڵ پێشکەش دەکرێن و جەخت لەسەر فرەئایینی لەنێو کۆمەڵگەی کوردیدا و ئەو پێکەوەژیانە مێژووییە پڕدەوڵەمەندە دەکرێتەوە کە لە مێژووی کۆمەڵگەی کوردیدا هەیە.
