دوایین دوو یاریی کریستیانۆ رۆناڵدۆ لەگەڵ یانەی نەسری سعوودیە بەتەواوەتی ئەوەی سەلماند ئەو ئەفسانە پۆرتوگالییە هیچی نەماوە پێشکەشی بکات و رەنگە ئەم وەرزە تەواو نەکات یانەی نەسر جێبهێڵێت.
کریستیانۆ رۆناڵدۆ لە دوایین یاری لە چامپیۆنزلیگی ئاسیا زۆر خراپ لەگەڵ نەسر دۆڕا و بە چوار گۆڵی بێوەڵام بەرامبەر عەینی ئیماراتی تووشی شکست هاتن و کریستیانۆش رووبەڕووی رەخنەیەکی زۆر بووەوە.
کریستیانۆ رۆناڵدۆ، ئەفسانەی پۆرتوگالی، کاپتنی یانەی نەسڕی سعودیە، پێشبڕکێ لەگەڵ کات دەکات بۆ بەدیهێنانی خەونی تۆمارکردنی هەزارەمین گۆڵی فەرمی و گەیشتن بەخاڵێکی مێژوویی تۆپی پێ.
رۆناڵدۆ بەدرێژایی ژیانی وەرزشیی خۆی 979 گۆڵی تۆمارکردووە،بەمەش تەنیا 21 گۆڵی ماوە بۆ گەیشتن بە 1000 گۆڵ، ئەمەش ئامانجێکی گرنگە کە ئاواتەخوازە پێش ئەوەی پێڵاوەکانی هەڵواسێت پێیبگات.
سەرەڕای نزیکبوونەوەی لەم دەستکەوتە مێژووییە، سیناریۆیەکی نیگەرانکەر بەسەر هەوڵەکانیدا بۆ ئامانجی هەزارەمین دێتە ئاراوە؛ ئەگەریوازهێنانی پێش بەدیهێنانی ئەم خەونە هەر دەمێنێتەوە، کە بەهۆی چەندهۆکارێکەوە هەر وەک ئەگەرێک دەمێنێتەوە.
خراپترین ئاست لە کاروانی وەرزشی کریستیانۆ
کریستیانۆ رۆناڵدۆ لەم وەرزەدا ئاستێکی بەرزی پێشکەش ناکات و رووبەڕووی رەخنەی بەرچاو بووەتەوە، بەشێک لە چاودێران و شرۆڤەکاران داوا دەکەن راهێنەرەکە لەسەر کورسیی یەدەگ دایبنێت.
جگە لەوەش، تەمەنی بەرزبوونەوەی و نزیکبوونەوەی لە 42 ساڵ، لەوانەیەهانی بدات بیر لە وازهێنان بکاتەوە، بەتایبەتی ئەگەر چیدی نەتوانێتئاستی ئاسایی خۆی بپارێزێت.
کریس توانای گۆڵکردنی نەماوە
ئەستێرە پۆرتوگالییەکە تاوەکو ئێستا لەم وەرزەدا تەنیا سێ گۆڵی بۆ یانەینەسڕ تۆمارکردووە، ئەمەش ژمارەیەکی کەم بووە بە بەراورد بە وەرزەکانیپێشوو. هەروەها رۆناڵدۆ بەشێوەیەکی بەرچاو لەدوای گۆڵکاریخولەکەوەیە، ئیڤان تۆنی، کە 10 گۆڵی تۆمارکردووە.
دابەزینی رێژەی گۆڵکردنی دەتوانێت ببێتە هۆی ئەوەی وەرزی ئێستا بەژمارەی گۆڵەکان تەواو بکات کە کەمترە لەوەی کە پێویستە بۆ گەیشتن بەبڕگەی 1000 گۆڵ، کە ئەگەری هەیە ناچاری بکات بیر لە وازهێنانبکاتەوە پێش ئەوەی خەونەکەی بەدیبهێنێت.
نەسر بەرەو وێران بوون دەچێت
سەرەڕای ئەوەی نەسڕ پاڵەوانی وەرزی رابردووی خولی سعودیەیە، بەڵام لەڕووی ئاست و دارایی و ئابووریشەوە بەرەو مایەپووچی دەچێت.
نەسر وەرزی نوێی بەخراپی هاتووەتە نێو رکابەرییەکان.
دوایین پاشەکشەیان یەکسانبوون بوو بەرامبەر بە خەلیج، کە لە پلەی سیانزدەهەمدایە.
ئاستی خراپی تیپەکە رێگری لە توانای رۆناڵدۆ دەکات بۆ گەیشتن بەژمارەی گۆڵە پێویستەکانی بەخێرایی پێویست، بەتایبەتی کە گەیشتن بەم خاڵە مێژووییە پێویستی بە کاتێکی بەردەوامی یاریکردن و رێژەیەکیبەرزی گۆڵکردن هەیە.
ژمارەی گۆڵەکانی کریستیانۆ رۆناڵدۆ لە کاروانی وەرزشی خۆی بریتین لە 450 گۆڵ بۆ ریال مەدرید، 145 بۆمانچێستەر یونایتد، 132 بۆ نەسڕ، 101 بۆ یوڤێنتوس و 5 گۆڵ بۆسپۆرتینگ لیسبۆن، هاوشانی 146 گۆڵ بۆ هەڵبژاردەی پۆرتوگال، ئەمەش وایکردووە ببێتە پێشەنگی گۆڵکارانی تۆپی پێی نێودەوڵەتی لە هەموو سەردەمەکان.