سەر لەبەیانی ئەمرۆ پێنجشەممە رێكەوتی 4.6.2026 بە ئامادەبوونی ساسان عەونی وەزیری شارەوانی، ئومێد خۆشناو پارێزگاری هەولێر، دکتۆر ئاراس حەسۆ میرخان و دکتۆرە چنار سەعد عە دوڵلا ، ئەندامانی کۆمیتەی ناوەندی پارتی دیموکراتی کوردستان، ئاریان سەلاحەددین بریکاری وەزارەتی رۆشنبیری و ژمارەیەکی بەرچاو لە ئەکادیمست و نوسەرو رۆشنبیران یەکەمین پێشانگای کتێبی کوردی لە هەولێر کرایەوە ..
ئامانجی سەرەکی ئەم پێشانگایە گێڕانەوەی متمانەیە بۆ نووسەری کورد و کتێبی کوردی، چونکە پێشانگاکە دەبێتە سەکۆیەک بۆ دووبارە بەها بەخشینەوە بە هزرو بابەتە ناوخۆییەکان و ئاشتکردنەوەی خوێنەر لەگەڵ قەڵەمی کوردی .
یەکەمین پێشانگای کتێبی کوردی، هەنگاوێکی گرنگ و ستراتیژییە، چونکە یەکەمین جارە ئەزموون و چالاکییەکی هاوشێوە بەو فراوانییەوە لە هەرێمی کوردستان جێبەجێ دەکرێت.
پێشانگاکە بە بەشداریی زیاتر لە 100 دەزگا و ناوەندی چاپ و بڵاوکردنەوەی کوردی لە هەرێمی کوردستان و دەرەوەی وڵات بەڕێوەچوو، تێیدا هەزاران ناونیشانی جۆراوجۆر لە بەرهەمە فکری، ئەدەبی، مێژوویی، کۆمەڵایەتی و زانستییەکان خرانە ڕوو.
لە ماوەی رۆژانی پێشانگاکەدا چەندین بڕگە و چالاکی ڕۆشنبیری، ئەدەبی، هونەری و فەرهەنگی، وەک دیدار پانێل و وۆرک شۆپ ئەنجام دەدرێن.