گۆڤەند عەبدولخالق مەسعوود، کەسایەتیی وەرزشیی کوردستان، ڕایگەیاند کە خۆی لە کاندیدبوون بۆ پۆستی جێگری سەرۆکی یەکێتیی تۆپی پێی عێراق کشاندووەتەوە.
گۆڤەند عەبدولخالق، ڕایگەیاندووە: “بە فەرمی لە خۆکاندیدکردنم بۆ جێگری یەکەمی سەرۆکی یەکێتیی تۆپی پێی عێراق کشامەوە، دوای ئەوەی یانەکانی زاخۆ و هەولێر و دهۆک بڕیاریان دا پشتگیری لە عەبدوڵا جەلال بکەن، بۆ ئەوەی کۆدەنگی یانەکانی کوردستان تێکنەچێت و دەنگەکان دابەش نەبن، بە فەرمی لە کاندیدبوونم کشامەوە و پشتگیری بەربژێرە کوردەکان دەکەم.
گۆڤەند عەبدولخالق دەشڵێ: سوپاسی سەرۆکی حکوومەتی هەرێمی کوردستان دەکەم کە بەردەوام پشتگیریی ئێمەی کردووە، لە ژێر هیچ فشارێکیشدا بڕیاری کشانەوەم نەداوە”