فازڵ میرانی
نووسین لەسەر خوالێخۆشبوو فەلەکەددین کاکەیی لەنێو شتەکانی تردا، واتە نووسین لەسەر کەسێک، کە هاوڕێم بووە لەنێوان سەنگەر و ئەزموون دا بۆ ماوەی ساڵانێک، فەلەکەدین هاوڕێی قەڵەم و عاشقی کتێب بووە، بیرکردنەوە و تێڕامان لەگەڵیدا وەک سێبەرێک وابوە لە پەنای خۆردا.
خەڵکی کوردستان و شۆڕشی پارتی دیموکراتی کوردستان هەردووکیان گەنجینەیەکن لە پێگەیاندنی ژن و پیاوان دا، یەک لەوانە: خوالێخۆشبوو فەلەکەدین کاکەییە، کە هەم وەکو فەیلەسوف و سیاسەتمەدار و پێشمەرگە و پەرلەمانتار و کرێکار بوو لەناو حیزبدا، هەم رۆژنامەنووسێک بوو لەناو رۆژنامەگەریدا بە هەموو وردەکارییەکانییەوە سەرەڕای وەزیر و سەرکردە و ڕاوێژکار و هەڤاڵێک.
بەدرێژایی تەمەنی لەناو حیزبدا، ئیلهامی لە کولتوورە فراوانە ئازادەکەی و کەشی خەبات وەردەگرێت، کە دڵسۆزانە هەوڵی دەدات بۆ پشتیوانیکردن لە ڕۆژنامەگەری و ڕاگەیاندنی شۆڕشی کورد و کولتوورەکەی بە گوتاری فکری ژیرانە و جۆرێک لە بیرکردنەوە بە قیبلەنمای ساغ وەک لە بڵاوکردنەوەکانیدا لە دەستەواژە ڕاستگۆیەکانی بەدیار دەکەوێت.
هێشتا وێنەکانی لەبەردەممدان لەکاتی شەڕی شاخەکاندا، جانتایەک کاغەز و ڕۆژنامەی هەڵگرتبوو، رەشاشێکی لەسەر شانی بوو، لەسەر زەوی دادەنیشێت بۆ تێکەڵبوون بە مەرەکەب و نووسین بۆ ڕۆژنامە و ڕادیۆ، مامەڵە لەگەڵ هەموو لایەنەکانی ژیان دەکات لە ڕوانگەی خەباتکارێک، کە توانای ئامرازەکانی خۆی هەیە و ئاشنا بە ژینگەی خۆی و ژینگە ململانێیەکان.
لەسەر هەموو مەسەلەکانی میللەتەکەی، هەموو چین و توێژەکانی نووسیوە بە زمانی کوردی، عەرەبی بە لێهاتوویی و کارامەیی و دەوڵەمەند لە وشەگەلێک بەشێوەیەک خوێنەر بە ئاسانی تێیدەگەیشت، پرسیارکەرێکی زیرەک و ژیرانە وەڵامی دەدایەوە و هیچ بوارێکی فەرامۆش نەدەکرد و زیرەکانە لە هەموو بابەتەکان نزیک دەبوویەوە.
لەسەر جەنگ و ئاشتی و قوربانیان و بکوژان و هێزەکان و هاوسەنگیەکانیانی نووسیوە، لەسەر ئابووری و سیاسەت و کۆمەڵگا و پێداویستییەکانی نووسیوە و کتێبی لەسەر منداڵ، کاروباری ژنان نووسیوە و لەگەڵ بابەتە ناوچەیی و نێودەوڵەتییەکان بەردەوام بووە و بە بیروڕاکانی و پێگەی خۆی لەنێو باشترین نووسەرانی کوردستان و عێراق و ناوچەکەدا پاراستووە. سەرۆکایەتی کردووە، دایمەزراندووە و پاڵپشتی سەنتەرەکانی هزر و بۆچوونەکانی کردووە و لە هەموو چالاکییە سیاسیی و رۆشنبیری و ئەدەبییەکان ئامادە بووە و هەموو پابەندبوونیەکانی بە ڕۆحێکی سادەوە جێبەجێکردووە و وای لەو کەسانە کردوە، کە چاویان پێی دەکەوت دیلی مرۆڤایەتی و ئاسانی گەیاندنی بیرۆکەکەکانی بن.
راهێنانی بە دەیان ڕۆژنامەنووس کرد و فێری کاری رۆژنامەنووسی کردن بەتایبەتی پارێزگاری لێدەکردن و وێڕای سەروتار، بە هەواڵ و لێدوان و شیکاری ڕۆژنامەوانیشەوە سەرقاڵ دەبوو.
ڕەفەی کتێبخانەکان پڕە لە بڵاوکراوە جۆراوجۆرەکانی لە نێوان ئەدەب و سیاسەت و کۆمەڵناسی و هەمیشە حازر بە دەست بوو لە نووسیندا، پەیوەندییەکانی لەگەڵ دەزگاکانی بڵاوکردنەوەی نێودەوڵەتی فراوانتر دەکرد، پەیامی میللەتەکەی بە ئەوان دەگەیاند.
چەند رۆژێک لەمەوبەر بەسەر ساڵیادی ماڵئاوایی تێپەڕیوە و لەگەڵ ئەوەشدا ناکرێت هەرگیز یادەوەریی ئەو کەڵە پیاوە لەبیر بکرێت، چونکە هیچ ڕۆژنامەیەک نییە لە بیرکردنەوە و درێژەپێدەری بیری ئەو خاڵی بێت و هەزاران وێنەی لە یادەوەریدا بەجێنەمابێت، کاکەیی هەر لە گەنجییەوە تا مردن دڵسۆز بوو بۆ سەرکردایەتیەکەی و بەشێوەیەکی سەربەخۆیانە رێبازەکەی هەڵبژارد، کە خەبات لە ناو حیزبەکەی بارزانی لەناو بزووتنەوەی ڕزگاریخوازیدا بکات و خۆشەویست بوو لە لایەن بارزانی نەمر و کاکە ئیدریس ی هەمیشە زیندوو، هەروەها لە لایەن سەرۆک بارزانی و پێشمەرگە بە هەمان شێوە خۆشەویست بوو.
داکۆکی لە کوردستان و عێراق کرد، داکۆکی لە زمانی دیالۆگ و زاڵبوونی ئاشتی کرد، داکۆکی لە شەرعییەتی و هاوبەشی کرد، خەونی بە عێراقێکی باشتر دەبینی و بۆ ئەم مەبەستە هەوڵی زۆری دا بۆ هێنانەدی پڕۆژەیەکی شایستە بە عێراق و گەڕانەوەی ڕۆحی ڕەسەنی بیرۆکەی دەسەڵات و بنیاتنانی تاک.
خودا لێت خۆشبێت فەلەکەدین ئەی دۆست و هاوڕێ.