دوێنێ، د. سالار عوسمان، بەرپرسی بەشی ڕۆشنبیری و ڕاگەیاندنی پ.د.ک، بە یاوەریی ژمارەیەک لە ئەندامانی بەش، سەردانی لقی ٢٥ـی دەوروبەری کەرکووکی پ.د.ک ـی کرد و لەلایەن (تەنیا تۆفیق)، بەرپرسی لق و هەڤاڵانی لقەوە پێشوازیان کرا.
لە میانی دیدارەکەدا، هەردوولا بە گرنگییەوە باسیان لە ڕۆڵ و کاریگەریی میدیا و ڕۆشنبیری لە قۆناغی ئێستادا کرد.
هەروەها جەختیان لەسەر هەماهەنگیی بەردەوام و پتەوکردنی پەیوەندییەکان کردەوە بۆ برەودان بە کار و چالاکییە ڕۆشنبیرییەکان، لەپێناو خزمەتکردنی زیاتری کادیران و جەماوەری سنوورەکە.