دەریا ارکان عمر*
د ناڤ جڤاکێ مە دا، گەلەک جاران مرۆڤ ژبەر سەرئێشەکێ یان تشتەکێ سادە، ئێکسەر دچیتە دەرمانخانێ و دەرمانی ب بێ ڕەچەتا پزیشکی دکڕیت.
ئەڤ چەندە ژ ڕوویێ زانستێ دەرمانسازی ڤە، گەلەک یا مەترسیدارە و زیانێن مەزن ل پاشخۆ دهێلیت.
زیانێن سەرەکی یێن ڤێ چەندێ:
١- بەرگرییا دژی دژەبەکتریا (Antibiotic Resistance): بەکارهێنانا دژەبەکتریا ب بێ ڕێنمایی، د داهاتی دا لەشێ مرۆڤی و بکتریایێ فێری وی دەرمانی دکەت و ئیتر دەرمان کار ناکەت.
٢- فشڵبوونا مێلاک و گولجیسکان: زۆربەیا دەرمانان د مێلاک و گولجیسکان دا دهێنە پاڵافتن.
٣-بەکارهێنانا زێدە و خەلەت یا حەبێن ئازارشکێن، سستیێ د ڤان ئەندامێن گرنگ دا چێدکەت.
٤-تێکچوونا دەرمانان (Drug Interaction): هندەک جاران مرۆڤ دوو دەرمانان پێکڤە دخۆت ب بێی کو بزانیت کارلێکێ دگەل ئێک دکەن، کو ئەڤە دبیتە ئەگەرێ ژەهراڤی بوونێ.
پەیاما من وەک قوتابییەکا دەرمانسازی ئەوە کو، دەرمان چەکەکێ دوو دەمە، ئەگەر ب ڕێکا زانستی نەهێتە بەکارهێنان، دێ بیتە ژەهر. بکارهێنانا خەلەت یا دەرمانان، تێکدانا بێدەنگ یا مێلاک و گولجیسکێن تە یه.
*قوتابیا دەرمانسازی