ئەمڕۆ سێشەممە 10/13، مەسرور بارزانی، سەرۆکی حکومەتی هەرێمی کوردستان, پێشوازی لە ڕادۆ دۆبرێ، باڵیۆزی ڕۆمانیا لە عێراق کرد.
لە دیدارەکەدا، هەردوولا جەختییان لە گرنگیی بەهێزکردنی پەیوەندییەکانی هەرێمی کوردستان و ڕۆمانیا لە بوارە جۆراوجۆرەکاندا کردەوە.
گرنگیی کاراکردنەوەی پەرلەمانی کوردستان وەک هەنگاوی یەکەمی پێکهێنانی کابینەی نوێی حکومەتی هەرێمی کوردستان، پێویستیی ڕێزگرتن لە مافە دەستووری و شایستە داراییەکانی هەرێمی کوردستان و دوایین پێشهات و گۆڕانکارییەکانی دۆخی گشتیی هەرێمی کوردستان و عێراق و ناوچەکە، بەشێکی دیکەی گفتوگۆکان بوو.