حەسەن ئاندێکی – هەولێر
لە فیلمی گەمژەکان (Idiots)ـدا، دوو پیاوی هەڵشکاو و نەزموو، ڕادەستپێردرێن بۆ گواستنەوەی گەنجێکی دەوڵەمەند بۆ ناوەندی چارەسەروەرگرتن، بەڵام ئەو کارەی کە لە سەرەتا وەک ئەرکێکی سادە دەردەکەوێت، بە خێرایی دەگۆڕێت بۆ گەشتێکی پڕ لە ئاڵۆزی، مادەی هۆشبەر، تاوان و مەترسی. گەنجەکە بە شێوەیەکی نەچاوەڕوانکراو ڕێڕەوی گەشتەکە دەگۆڕێت و دوو پیاوە گەمژەکە دەخاتە ناو بارودۆخێک کە کۆنترۆڵکردنی زۆر قورسە. لە بەردەم هەر ڕووداوێکدا، ئەوان ناچار دەبن لەگەڵ کەسانی جۆراوجۆر و بارودۆخی نائاسایی بەرەنگار ببنەوە. گەشتەکە تەنها هەوڵێک بۆ گەیاندنی گەنجەکە نییە، بەڵکو دەبێتە تاقیکردنەوەیەک بۆ هاوڕێیەتی، متمانە و توانای بڕیاردان لە کاتی قەیران. فیلمەکە بە شێوەیەکی کۆمیدی و تاڕادەیەک توندوتیژ، ڕووداوە نەچاوەڕوانکراوەکان بە یەک دەبەستێت و لە هەمان کاتدا بە شێوەیەکی گاڵتەئامێز ژیانی گەنجان و هەوڵی گەیشتن بە ناوبانگیش دەخاتە ژێرپرسیار. لە کۆتاییدا، ئەوەی گرنگە تەنها گەیشتن بە مەبەست نییە، بەڵکو ئەوەیە کە مرۆڤ لە ڕێگادا چۆن مامەڵە لەگەڵ کێشە و بڕیارە قورسەکان دەکات،بەرهەمهێنانی فیلمەکەش لە ویلایەتە یەکگرتووەکانی ئەمریکا ئەنجامدراوە.
:سەرچاوە
www.idiotsmovie.com