بە گوژمەی 28 ملیار دینار پرۆژەی جووتسایدی شێخان- لالش جێبەجێ دەکرێت
لە پارێزگای دهۆک، بە گوژمەی زیاتر لە 28 ملیار دینار، پرۆژەی جووتسایدی شێخان- لالش جێبەجێ دەکرێت.
درێژایی ڕێگەکە 8.2 کیلۆمەترە و دەڤەری شێخان بە لالشەوە دەبەستێتەوە. پرۆژەکە بە پێوەری نێودەوڵەتیی ڕێگەسازی جێبەجێ دەکرێت.
ئەم ڕێگەیە جگە لە ئاسانیی هاتوچۆی هاووڵاتییان و جووڵەی بازرگانی، ئاسانکاری بۆ گەشتیاریی ئایینی دەکات و هاتوچۆ بۆ پەرستگەی لالش ئاسانتر دەبێت.
پرۆژەکە لەلایەن کۆمپانیای خۆماڵی و بە دەستی کرێکارانی ناوخۆیی جێبەجێ دەکرێت.
فەرمانگەی میدیا و زانیاری