بەرگری شارستانی ھەولێر ڕاگەیەندراوێکی بڵاوکردەوە
له راگه‌یه‌ندراوێكدا، بەرگری شارستانی پارێزگای ھەولێر بڵاویكرده‌وه، بەھۆی زۆرى باران بارينى ئەمساڵ و بەرزبوونەوەى رێژەی ئاوی بەست و جەم و بەنداوەكان به باشمان زانى جەند ڕێنماییەك بڵاو بكەینەوە تاكوو هاووڵاتيیان توشى هيچ مەتڕسییەكی گيانى و ماڵی نەبنەوه:
1- نابێت به هيچ شێوەیەك پوش و پەڵاش پێش مال ياخود له دەشت و دەر و له گورستان و باخ و بيستانەكان ئاگری تێ بەر بدەن، چونكه ئەبێتە ھۆی رووداوى گەورەی ئاگر و زيان به دەورووبەر ئەگەینێت.
2- نابێت له كاتى گەشت و سەيران ئاگر له دەشت و چيا و شوێنی گشتی بكرێتەوه كه قەبارەى ئاگرە گەوره بێت يان پاشماوەى ئاگر بەجێ بھێلین، چونكه بەھۆی باوە ئەو ئاگرە بلاو ئەبێتەوە.
3- فرێنەدانی جگەره و بەجێ نەھێشتنی پاشماوەی خەلوزى نێرگەل.
4- بەكارنەھێنانی يارى ئاگرین له كاتى سەيران به تايبەتى لە لایەن منداڵان.
5-نيشان دانان و تەقه كردن به چەكى ئاگرین به تايبەت له دەشت و پێ دەشتەكان.
6- فرێ نەدانى بتڵی شوشه و دەبەى ئەو پاشماوه ياخود ماده سوتێنەرەكان وه گاز و بەنزين و نەوت و ئەو ماده جەلییانەی بۆ گەشانەوەى خەلوز (رەژوو) به كاردێ.
7- شوفێری دەراسه نابێت له ناو دەغل و پاوان، دەراسەكەی چاك بكات يان لەحيم و كۆسەرە بەكار بھێنێت ياخود ئاگر بكاتەوە به مەبەستى نان و خوارد دروست كردن.
8- نابێت ئەوانەی ئەچنە نێزیك چەمو روبار و بەست و بەنداوەكان مەلە بكەن يان ڕێگا به مناڵەكانيان بدەن مەله بكەن.
9- ئاگاداری ئەو مناڵانە بن كه خاوەن پێداویستی تايبەتن يان داونن يان نەخۆشی ئۆتیزمیان هەیە نێزیك نەكەونەوه له ئاوی جەم و ڕووبارەكان.
10- گەشتيارى بيانى و خوارووی عێراق ئەبێت ئاگاداری ئەو شوينانە بن كه گەشتى بۆ ئەكەن يان سەردانى ئەكەن تاكو توشى ھەڵدێران و خنكان نەبن، چونكه ئاوی كوردستان سارده هەر چەنده مەلەوانيش بن بەھۆی ساردى ئاویەكان ئەبێتە ھۆی گڕژ بوونی دەمار و خنكانيان لەو ئاوانە.