دلڤین شەماڵ
بهێزکرنا ئابووریا ئافرەتێ پرۆسەیەکە کو ئافرەت شیان و کۆنترۆڵا خۆە بسەر سەرچاوەیێن ئابووری و دارایێن دەستپێکی زێدەبکەتن ؛ مینا هەبوونا سەرمایەکی یاخود کرێ و موڵکێن ڕاستەقینە کو هاریکاربیتن ل پێگەهەکێ ئابووریێ نزم د کومەلگەهێدا بەرەڤ دەسەڵاتەکا ئابووریا بەرزتر و کو پلەیا ئێکی یا سەربەخۆیا دارایی پێ بهێت بەخشین .
بهێزکرنا ئابووریا ئافرەتێ بتنێ کاریگەری لەسەرگەشەسەندنا ئابووری نیە ؛ بەلکو کاریگەری لسەر گەشەسەندنا جڤاکی هەیە کو ل وێ خێزانا دناڤدا ژیتن دەست پێدکەتن تا دگەهیتە ئەو جڤاک و وەڵاتێ ژیانێ دناڤدا بسەر دبەتن.
پشکداریکرنا ئافرەتێ د بازاڕێ کاریدا ب شێوازەکێ هەڤسەنگ دگەل زەلامیدا پشکەکا گەشەپێدانا جڤاکی یە ؛ کارێکی بدەستڤەبهێتن کو دگەل حەز و شیانێت وێ بگونجێت و بڤی شێوەی شیانێن پشکداریکرنی راماندارتر بیت، د بڕیاردانێت ئابووری ل هەمی ئاستێن ژیانیانێدا هەبێتن ل خێزانێ تادامەزراوەیێن دەوڵەتێ.
ل دەمێ ئافرەت د بازاڕێ کاریدا دەرفەت ژبوو هاتبیتە رەخساندن، ژیانێکا دڵخۆشکەر و بەرهەمدارتر دژیت، هەروەسا هێز و شیانێت خوە زیاتر دەردئێخیتن ب تایبەت دناڤا خێزاناوێدا کو د ئاستێکێ بەرزتر ل چاڤدێریی و پەروەردێ ژبوو زارۆکێن خوە دابین دکەتن، ژیانەکا تەندروست و بەختەوەر دهێت دابین کرن.
بهێزکرنا ئابووریا ئافرەتێ پێدڤی ب داڕشتنا پلانەکا موکم و درێژخایەن هەیە بوو بدەستڤەئینانا وان ئەنجامێن کو وەڵاتێن جیهانێ ل ڤی بواریدا بدیڤ دگەرێن،هەروەسا پشکەک ژ بهێزکرنا ئابوریا ئافرەتێ دابینکرنا کەشێکێ ئارام و پاراستی و تەندروست ل جهێ کاریدا هەیە،ژبلی دڵنیابوون ل دابینکردنا داهاتەکێ گونجایی، داکو پێدڤیێن ژیاناخوە دابین بکەتن و زیاتر هەوڵا گەشەکردن و گەشەپێدانێ بدەت ل جهێ کارێ خوە .
ئافرەتێ ل چەندین بواراندا شیایە شون تبلێن خۆ دروست بكەت ل بوارێ سیاسی و جڤاكی و وەرزشی و هونەری بەلێ وەك پێدڤی نەشیایە ل بوارێ بازرگانی و ئابووری دەربكەڤیت ژبەر چەند ئەگەرەكێن شاش بۆ نموونە كێم جارا روودایە ئافرەت ببێتە بازرگانەكا مەزن ل دەڤەرێ یان بزنسمانەكا جیهانی ئەڤەژی بویە ئەگەر كۆ نەشیایە ئابوورەكێ سەربەخۆ هەبیت، هەتا ئافرەت نەبیتە دروستكەرا ئابوورەكێ سەربەخۆ رەنگە هەردەم ژلایێ جڤاكی ڤە بهێتە ب كارئینان بەلێ فەرە ئەڤ چەندە بهێتە لادان د هزرا تاكێن جڤاكی دا كۆ ئافرەتێ شیانێن ب رێڤەبرنێ و دروستكرنا ئابوورەكێ سەربەخۆ نینە بۆ نموونە ئافرەتەك ب دروارێ دشێت ئابوورەكێ سەر بەخۆ دروست بكەت و ئافرەتەك ب دروستكرنا كارێن دەستی و ئافرەتەك ب دروستكرنا خوارنێ و دیزانا ئەڤە هەموو رێكن كۆ ئافرەت بشێت ئابوورەكێ سەربەخۆ دناڤ جیهانێ دا ب دەستڤەبینیت، پتریا جارا جڤاك و رەگەزێ بەرامبەر رێگرن ل هەمبەر وێ چەندێ ئافرەت ببیتە خودان كارەكێ ئازاد ژبەر كۆلتۆرێ زەڵام سالاریێ ل دەڤەرێ بەلێ زۆرا شاشە كۆ هەتا نوكە ئافرەت مینا زەڵاما نەشیایە ببیتە خودان ئابوورەكێ سەربەخۆ لەورا پتریا جارا ئافرەت بۆ ب دەستڤەئینان و كرینا پێدڤیە رۆژانە نەچار دبیت هیڤیا ل رەگەزێ بەرامبەر بكەت و رەنگە هەر ئەڤ چەندە بیت هۆكار كۆ زەڵامی نەڤێت ئافرەت ببیت خودان كارەكێ ئازاد بۆ وێ چەندێ بەردەوام ژلایێ ئابووری ڤە یا كنترۆل كری بیت و نەشێت ب كەیفا خوە مەزاختنێ بكەت بەلێ دەم هاتیە ئافرەت ژی مینا زەڵاما ل دەرڤە ب ئازادی كاربكەن و كارگەهو كۆمپانیا ب رێڤەبەن ببن خودان ئابوورەكێ سەربەخۆ.