قایمقامی هەولێر ئەمڕۆ دووشەم ئاشكرای كرد، بەهۆی فرۆشتنی بەنزینی خراپ و پابەندنەبوون بە ڕێنماییەكان، 13 بەنزینخانەیان لە شاری هەولێر داخستووە.
نەبەز عەبدولحەمید قایمقامی هەولێر رایگەیاند: لە درێژەی بەدواداچوون و چاودێریکردنی لێژنەکانی پشکنین و چاودێری بۆ وێستگەکانی سووتەمەنی (بەنزینخانە)، بەهۆی فرۆشتنی بەنزینی کوالێتی خراپ و پابەندنەبوونیان بە ڕێنماییەکان، 13 وێستگەی بەنزین (بەنزینخانە) لەهەولێر داخران و سزا دران.
راشیگەیاند: داخستنی ئەو 13 بەنزینخانەیە لە کۆی 168 وێستگە دێت کە لە رێكەوتی 1/3 تاكو 17/3/2024 پشکنینیان بۆ کراوە.
ناوی ئەو بەنزینخانانەش كە داخراون بریتین لەمانەی خوارەوە:-
وێستگەی کۆك/ برایەتی
– وێستگەی هێمن/ ڕێگای مەخموور
-وێستگەی شارەکەم/ کۆیە
-وێستگەی زانا/ کۆیە
-وێستگەی میر/ گەڕەکی شادی
-وێستگەی کرود/ ڕێگای مووسڵ
-وێستگەی باغی گەزنە/ ڕێگای مووسڵ
-وێستگەی دارەبەن/ ڕێگای ئیفراز
-وێستگەی بەتاو/ ڕێگای ئیفراز
وێستگەی تاج/ 120 مەتری عەنکاوە
-وێستگەی بەهار/ بنەسڵاوە
-وێستگەی زریان/ بنەسڵاوە
– وێستگەی هاوینەهەوار/ ڕێگای پیرمام