ھاودەنگ فارووق
ئەمســـاڵ، دوای شـــەش ســـاڵی ڕەبەق لەو خیانەتە نەتەوەیی و نیشتمانییە، دوای پاشقوڵدانی مێژووی كورد و ئەتککردنی خاك و کەرامەتی كورد، دوای هەڕاجی گشت بەهاكان و بەزاندنی سەرجەم سنوورەكان؛ پتر لە ســـاڵانی ڕابوردوو دەیانەوێت هەروا سووک و ئاســـان گەلی كوردســـتان هەڵبخەڵەتێنن و بڵێن: ئەوەی ڕوویدا تێکشكانی ســـەربازی بوو، نەك خیانەتی نەتەوەیی و نیشتمانی! ئێمە لەبەر دۆخی هەستیار و نالەباری ناوچەكە و یەكڕیزیی كورد لەبەردەم تەحەدییەكاندا، نەمانویســـت بە وردی قسە لەسەر ئەو خیانەتـــە مێژووییە بكەیـــن و ئەوە بۆ دادگەی گـــەل و ویژدانی مێژوو لێگەڕێین، كەچی یەك دوو كاراكتەری خیانەتەكە ڕووقایمانە چیرۆكی خەیاڵی و چەواشەكارییان بۆ ئەو كەتنە گەورەیە دێنایەوە، خیانەتێك كە ئەوسا لە زاری بەرپرسانی باڵای یەكێتییەوە، هەر یەك لە جێگری ســـكرتێرو بەرپرسی دەستەی كارگێڕو فەرماندەی پێشـــمەرگەو پارێزگاری ئەوســـای كەركووك بەیانی نەفرەتییان
لەسەر دەركردن و بە خائین و كاڵفام ناوزەدیان كردن.
بۆیـــە بەری خـــۆر بە بێژنگ ناگیـــرێ و مێژوو بـــە ئارەزووی مـــرۆڤ ناچەرخێـــت، ئاخر بـــۆ بەدبەختیی ئەوانـــەی خیانەتی ١٦ی ئۆكتۆبەریـــان كـــرد، ســـەردەم ســـەردەمی تەکنۆلۆجیا و زیرەکیی دەســـتکردە، هەر تاکێکی ئەم ســـەرزەمینە مۆبایلێکی زیرەکـــی لە باخەڵدایـــە؛ بۆیە، گشـــت وردەكاریـــی خیانەتەكە و قســـەی شـــایەتحاڵەكان تۆماركراون و خەڵـــک دەزانی کەین و بەینـــی خیانەتەکـــە و چۆنییەتـــی جێبەجێکردنـــی چـــۆن بوو.ئەی هـــەر خۆیان نەبـــوون لەســـەر شاشـــەی تیڤییەکانیانەوە بەشـــانازییەوە، لاپـــەڕەی ئیمزاكانـــی ٣8 ئەندامـــی ســـەركردایەتیی یەكێتییـــان بەرزدەکـــردەوە و دەیانگـــوت گوایـــە ڕێككەوتنەكـــە بـــە ڕەزامەنـــدی ئـــەوان كـــراوە؟! ئەوەی ڕووی دا، بە هەرچی ڕووباری کوردستان و تیمساحەفرمێسکی گشـــت دنیا ناشـــۆرێتەوە؛ ئەوەی ڕوویدا، لە لاپەڕە ڕەشـــەكانی مێژوودا، لەئەرشیفی سایت و پەیچ و یوتووب و تیڤییەكانی جیهان و كوردستاندا پارێزراوە و هیچ بوارێک بۆ پینەكردن و هەوڵدان بۆ خەڵەتاندنی خەڵك و بەلاڕێدابردنی مێژووی نەتەوەی كورد نییە.
سەردەمی عەوام خەڵەتاندن و یاریکردن بە عاتیفەی هەڵچووی خەڵک بەسەرچووە. جەماوەر هەر لە یەکەم ڕۆژەوە دەیانزانی لە داهاتوویەکی نزیکدا، ئەوانە هەوڵی شاردنەوەی خیانەتەكە و سڕینی دەســـتی چەوری خۆیان بەسەر كەســـانی تردا دەدەن، بۆیە هەر هاووڵاتییەكی بەشەرەفی كەركووك، لە گیرفانی خۆیەوە مۆبایلەكەی دەردەهێنا و دەبووە شـــاهید و ئەرشـــیف بەســـەر خیانەتكارانی شـــانزەی ئۆكتۆبەر. ئێستا ئەو گرتانەی خەڵک تۆماریان كردوون، دەوڵەمەندترین ئەرشـــیفی مێژوویـــن و هەرگیزا و هەرگیز ناكرێت بە قســـەی بێبنەمـــا و هەلەق و مەلەق ڕووداوەكـــە پینە بكرێت. ئـــەوە ئـــاو لە دنگـــدا کوتانـــە کـــە دەیانەوێت جەمـــاوەر بەوە چەواشـــە بکـــەن گوایە ئـــەوان لـــە شـــەڕی بەرەنگاربوونەوەدا شـــكاون، نـــەك ژێـــر بەژێـــر خیانەتیـــان كردبێـــت! بالۆرەی ئەوەی کە یەكێتی شەڕی سێ دەوڵەتی كردوە.. گوێیان لە جفرەی جیهازەكان بووە کە بە زمانی وڵاتێكی جیرانی هەرێمی كوردســـتان قســـەیان كردوە..( قســـەی فەرماندەیەكی دیاری یەكێتی)، ئەمڕۆ پەنجەمۆرێكی خیانەتی ئۆكتۆبەر، زیاتر لە وڕێنە و قسەی نەفام دەچێت، نەک هەڵسەنگاندنی بارودۆخێکی ئاوا گرنگ و چارەنووسســـاز. ئاخر ئێســـتە بۆ هەمووان ڕوونە ئەوەی ئەوان کەواسووریی بەر لەشکری سێ دەوڵەت بوو، نەك شەڕی سێ دەوڵەت! ئەگەر لەســـەردەمەكانی کۆندا كە مێـــژوو تەنها دەماودەم یان لە لاپـــەڕە كاڵوكرچەكاندا دەنوســـرا، بوارێـــك هەبووبێت بۆ ئەوەی ڕووداوەكان بەلاڕێدا ببرێن، لەئێستادا هەزاران تۆماری خیانەتی ١٦ ی ئۆكتۆبەر بەردەستە و شایەتیی خۆیان و شایەتحاڵەكان، تەنانەت ئەو چركانەش كە لە شـــایلۆغانی خیانەتەكەدا لەگەڵ داگیركەراندا پارووی چەوریان لرف دەدا و بە هەویای پارە و پۆستی پارێزگای کەرکووک و هەولێر، لیکاویان بە زاردا دەهاتە خوار، هەموو ئەوانە بە دەنـــگ و ڕەنگ تۆمار کراون و بۆ هەموو کەس بەردەســـتە..
كێشـــەی خیانەتكارانـــی ١٦ی ئۆكتۆبـــەر ئەوەیـــە هێشـــتا لە واقیعـــی ســـەردەم حاڵیـــی نەبوونـــە و دەیانەوێ بـــە پێوەری ســـەدەی پێشـــوو مێژوو بنووســـنەوە یان دەســـتکاریی بکەن! دەبێ گەورەیی کارەســـات و چەپەڵیی خیانەتەکە هێندە قورس و ســـەخت بێت، کە ئەوان هێشـــتا لەو ڕاستییە نەگەیشتبن ڕەوتی پێچەوانـــەی مێـــژوو و فووکردنە چرای ڕاســـتەڕێی تێکۆشـــانی کوردایەتی، لە ملشـــکان و دۆڕان بەولاوە هیچ ئەنجامێکی دیكەی نییە!