ناسک حەمە غەریب
هەناسەیەک دەکەم بە هەور و
هەناسەیەکیش دەکەم بە باران،
هەناسەیەک دەکەم بە دوو باڵ و
هەناسەیەکیش دەکەم بە ئاسمان.
هەناسەیەک دەکەم بە خۆشەویستی و
هەناسەیەکیش دەکەم بە چەپکێک گوڵی جوان،
هەناسەیەک دەکەم بە تۆ و
هەناسەیەکیش دەکەم بە نیشتیمان.
ئای لە خۆشەویستیی تۆ و
ئای لە شیرینی نیشتیمان!
ئەم هەموو هەناسانەم یەک دەخەم و،
بە درێژایی خەونێکی قووڵ،
ڕێگای هاتنەوە دەگرم و دێم،
تاکوو دەبمەوە میوانی هەردووکتان.
ئای لە خۆشەویستیی تۆ و
ئای لە شیرینی نیشتیمان!