ئەمڕۆ، پێنجشەممە 8.10.2026 بە ئامادەبوونی د. سامان بەڕزنجی، وەزیری تەندروستی، ئومێد خۆشناو، پارێزگاری هەولێر، هێمن قادر، جێگری پارێزگار، د. دلۆڤان محه‌مه‌د به‌رێوه‌به‌ری گشتی ته‌ندورستی هه‌ولێر، و بە بەشداری پەرلەمانتارو كونسل و ژمارەیەکی بەرچاو لە پزیشکان و پسپۆڕانی بواری تەندروستی،لوتکەیی شێرپەنجەی مەمک بە ڕێکخستنی ڕێکخراوی «گڵۆبەڵ شەیپەرز» و دەزگای خێرخوازی ئیدریس سورچی بەڕێوەچوو.
ئەم لوتکەیە دەستپێشخەرییەکی تەندروستی و مرۆیی گرنگە بۆ بەرزکردنەوەی ئاستی هۆشیاری کۆمەڵگا دەربارەی شێرپەنجەی مەمک، بە تایبەتی لە مانگی هۆشیاری جیهانی ئەم نەخۆشییەدا.
لە چوارچێوەی چالاکییەکانی لوتکەکەدا، جەخت لەسەر گرنگی دەستنیشانکردنی پێشوەختەی نەخۆشی، ناسینەوەی نیشانە و نیشانەکانی ئاگادارکردنەوە، هەروەها شێوازەکانی پشکنین و چارەسەرکردن کرایەوە، بە مەبەستی بەرزکردنەوەی هۆشیاری و یارمەتیدانی کەمکردنەوەی کاریگەرییەکانی نەخۆشییەکە و بەرزکردنەوەی هیوای چاکبوونەوە.
بەشداربووان جەختیان لەسەر بەردەوامبوونی هەوڵ و هاوکارییە تەندروستی و کۆمەڵایەتییەکان بۆ بەرەنگاربوونەوەی شێرپەنجەی مەمک و بڵاوکردنەوەی کەلتووری پشکنینی پێشوەختە و پاراستنی تەندروستی کردەوە.
كۆنفرانسی لوتکەیی شێرپەنجەی مەمک بەرێوه‌چوو
