نووری بێخاڵی
کاتژمێری دڵ لە لێدانی بێهوودە ماندوو بوو
زەوی جێگای هیچ خەونێکی تێدا نابێتەوە
کاتی ئەوەیە سنوورە ڕزیوەکان جێبهێڵین
ژوورە تاریکەکانی ناخمان
پڕن لەو درەوشانەوانەی
هیچ چاوێک لەسەر زەوی نەیبینیون
بڕژێنە ناو خوێنمانەوە،
زیوی شلی ئەو سڕبوونەی
ترسی نادیار لە وشیاریماندا دەشواتەوە
با ئەو تیشکە لەپڕە،
تەمومژی ئەم ئاگادارییە باوە بسووتێنێ
سەرەوژێربوونەوە بەرەو قووڵایی،
کەوتنەخوارەوە بەرەو ئەو بۆشاییەی،
نەک ناوێک،
هیچ هەناسەیەک نایناسێت
گرنگ نییە لەوێدا چی چاوەڕێمان دەکات
ئەوەندە بەسە،
چیتر لەم دووبارەبوونەوە سوێرەی بووندا نەمێنینەوە
ئەوەندە بەسە.