دوێنێ، د. سالار عوسمان، بەرپرسی بەشی ڕۆشنبیری و ڕاگەیاندنی پ.د.ک، بە یاوەریی ژمارەیەک لە ئەندامانی بەش، سەردانی لقی ٣ـی پارتی دیموکراتی کوردستانی لە شاری کەرکووک کرد و، لەلایەن (سیروان سەید عاسی)، بەرپرسی لق و هەڤاڵانی لق پێشوازییان لێ کرا.
لە دیدارەکەدا، تیشک خرایە سەر پێگە و گرنگیی کاری ڕاگەیاندن و ڕۆشنبیری لە هەلومەرجی تایبەتی کەرکووکدا، هەروەها دووپات لەسەر پێویستیی هەماهەنگیی بەردەوام و یەکخستنی تواناکان کرایەوە بۆ خزمەتکردنی زیاتری شارەکە و گەیاندنی پەیامی ڕاستەقینە و دروستی نەتەوەیی.