عهبدولقههار ههولێری/ هۆڵەندا
سەیرانی بەهاری رەوەندی کوردستانی لە وڵاتی هۆڵەندا بە شێوەیەکی ئارام و ڕێکوپێک بەڕێوە چوو، کە دەکرێ بکرێتە هەنگاوێکی گرنگ بۆ بەهێزکردنی یەکگرتووییی کوردەکان لە دیاسپۆرا. ئەم چالاکییە وەک دەرفەتێکی گرنگ وای لە کوردەکان کرد، کە بتوانن کولتووری ڕەسەنی خۆیان بە ئەورووپاییەکان و گەلانی دیکە بناسێنن و پیشانی بدەن. لە میانی ئەم سەیرانەدا، چەندین چالاکیی کولتووری و هونەری جۆراوجۆر ئەنجام دران، وەک نمایشکردنی جلوبەرگی ڕەسەنی کوردی لەلایەن ڕێکخراوی ریحانا، پێشکەشکردنی گۆرانی و هونەری کوردی لەلایەن کۆما ئارمانج، هەروەها یاری و چالاکیی تایبەت بە منداڵان و خەڵاتکردنی دهیان منداڵی کورد بۆ پشتگیری و دڵخۆشکردنیان.
ئەم سەیرانە بە هاوبەشی نێوان ڕێکخراوی ریحانا و ڕێکخراوی لاوانی کورد لە دیاسپۆرا ئەنجام درا، کە ئامانجی سەرەکییان پاراستن و ناساندنی کولتوور و ناسنامەی کوردی بوو لە ئەورووپا. سەرکەوتنی ئەم چالاکییەش لە فیدباکی زۆر پۆزیتیف و داواکاریی بەردەوام بۆ ڕێکخستنی چالاکیی زیاتر دەردەکەوێت.
دهربارهی گرنگی ئهم جۆره چالاكییه مهدهنیانه (گۆهدار بۆتانی بەرپرسی ڕێکخراوی لاوانی کورد لە دیاسپۆرا) به رۆژنامهكهمانی راگهیاند: سەیرانی بەهاری لە وڵاتی هۆڵەندا تەنها کاتێکی خۆشی نییە، بەڵکوو ڕووداوێکی گرنگی کۆمەڵایەتی و کولتوورییە بۆ کوردانی دەرەوەی وڵات. لە ناو ئەم کۆبوونەوانەدا، زمان و نەریتەکانمان زیندوو دەکرێنەوە، گەنجان فێری بنەماکانی ناسنامەی کوردی دەبن و هەستێکی یەکگرتوویی لەنێوان خێزان و هاوڕێیان دروست دەبێت. هەڵپەڕکێ، گۆرانی و جلوبەرگی کوردی ڕۆڵێکی گرنگ دەبینن لە پاراستنی ئەم کولتوورە جوانە.
گوهدار، ئهوهشی خستە روو، كهوا ئەم چالاکیانە دەبنە پەنجەرەیەک بۆ ناساندنی کولتووری کوردی بۆ کۆمەڵگای میزبان و، دەرفەت دەدەن بۆ زیادکردنی تێگەیشتن و ڕێزگرتن لەنێوان گەلان. سەیرانی بەهار یادخستنەوەیەکە بۆ ئەوەی، هەرچەندە لە دوورین، بەڵام دڵ و ناسنامەمان هەمیشە بە کوردستانەوە پەیوەندیدارن.
پێویسته به شێوهیهكی گشتی ئهو راستیه بخرێته روو، كهوا سەیرانی بەهاری بۆ کوردانی دەرەوەی وڵات، وەک پلانێكی گرنگی پەیوەندی نێوان ڕەگ و ناسنامەی نەتەوەیییانە، کە لە وڵاتی وەک هۆڵەندا زیندوو دەکرێتەوە. بێگومان ئەم جۆرە کۆبوونەوانە هەلی باشن بۆ گەنجان بۆ ئەوەی زمان، کولتوور و نەریتە کوردییەکان فێر بن و پارێزگاریان لێ بکەن. واته گهشت و سەیران تەنها چالاکییەک نییه بۆ بهسهربردنی كاتی خۆش، بەڵکو شێوەیەکی بەهێزە بۆ دروستکردنی هاوپەیوەندییە کۆمەڵایەتییەکان لە نێوان خێزان و هاوڕێیان. لە کاتی سەیراندا، پیشاندانی جلوبەرگی کوردی، گۆرانی و هەڵپەڕکێ، ڕۆڵێکی گرنگ دەبینن لە پاراستنی ناسنامەی کولتووری. كهواته ئەم ڕووداوانە پشتگیری لە چالاکییە کۆمەڵایەتی و ڕێکخراوە کوردییەکان دەکەن و هۆکارن بۆ بەهێزکردنی کارە کۆمەڵایەتییەکان.
لە کۆتاییدا، ئەم سەیرانە تەنها چالاکییەکی کولتووری نەبوو، بەڵکوو ببووە هۆکاری بەهێزکردنی هاوبەشی و یەکگرتوویی نێوان کوردەکان و دروستکردنی هەستێکی بەرپرسیاری نەتەوەیی، بۆ گەیشتن بە ئامانجە گەورەکەیان، کە بریتییە لە هەبوونی دەوڵەتی کوردستان. هەروەها ریحان سەعید، بەرپرسی ڕێکخراوی ریحانا، وتی: ئەمساڵ سەیرانێکی گەورەمان بۆ ڕەوەندی کوردستانی لە هۆڵەندا ڕێکخست، بە ئامانجی کۆکردنەوەی کوردانی هەر چوار پارچەی کوردستان لە دیاسپۆرا، بە تایبەتی لە هۆڵەندا. خۆشحاڵین کە ئەمساڵ توانیومان لە شاری ڕۆتەردام سەیرانێکی گەورە و سەرکەوتوو ئەنجام بدەین. ئەمە یەکەم چالاکییە بەم شێوە و بەم قەبارەیە کە ئەنجام دەدرێت و، ئێمەش پلانمان هەیە هەموو ساڵێك لە وەرزی بەهاردا ئەم چالاکییە بەردەوام بەڕێوە ببەین.
جێگای دڵخۆشییە کە لەم چالاکییەدا توانیومان ٥٠ منداڵی کورد خەڵات بکەین، هەروەها ڕێکخراوی «ریحانا» نەمایشی جلوبەرگی ڕەسەنی کوردی کرد، کە جێی سەرنج و پەسەندی ئامادەبووان بوو.