ئاسایشی هەولێر دەستگیركردنی ژمارەیەك تۆمەتباری كوردی رۆژئاوای رایگەیاند كە ساڵی 2024 تاوانێكیان لە گەڕەكی مامزاوەی شاری هەولێر ئەنجامدابوو، ئەویش كوشتنی زاوا و كەسێكی نزیكی خۆیان بوو.
ئاسایشی هەولێر لەبارەی رووداوەكە رایگەیاند “لە ڕێکەوتی 22/10/2024 لە گەڕەکی مامزاوەی شاری هەولێر، هاووڵاتییەکی کوردی ڕۆژئاوای کوردستان بەناوی (محەمەد عەلی ڕەمۆ) کوژرا، هەر ئەو کات لەلایەن تیمەکانمانەوە دەست بە ئەنجامدانی بەدواداچوون کرا و بەڵگەی تاوانەکان کۆکرانەوە و ناسنامەی تۆمەتبارەکانمان ئاشکرا کرد” .
راشیگەیاند “تۆمەتبارەكان ناوەکانیان ( م، ع، ع) و ( أ، ع، ع) و (ی، ع، ع) و کە دەبنە ماڵی خەزوورانی تاوانلێکراو، هەروەها تۆمەتباران (ر، ع، ر) و (ع، ح، ع) دەبنە برا و برازای تاوانلێکراو”.
هەروەها رایگەیاند “بە فەرمانی دادوەری لێکۆڵینەوەی ئاسایشی هەولێر فەرمانی دەستگیرکردن بۆ سەرجەم تۆمەتبارەکان دەرچوو، بەڵام لەبەرئەوەی ئەو کات بەردەست نەبوون بۆیە لە ڕێکەوتی 7/2/2026 لەلایەن هێزەکانمانەوە دەستگیر کران”.
ئاسایشی هەولێر ئاماژەی بەوەش دا كە لەسەر هەبوونی کێشەیەکی کۆمەڵایەتی بەشێوەی پلان بۆداڕێژراو هاووڵاتی محەمەد عەلی ڕەمۆ لەلایەن ماڵە خەزووران و برا و برازایەکی خۆیەوە کوژراوە”.