جیهان حجی
بێگومان د ڤان دوو سەدساڵێن بۆریدا چو پیڤەک مینا پەیڤا (فیمێنیزم) ئێرش لسەر نەهاتیەکرن ودناڤبەرا دۆزگەرێن ئازادێ دا نە بوویە سەدەمێ ناکوکیان. ب ئاوایەکی کو گەلەک کۆمەڵ بەر ب شلوڤەکرنا ئەڤی دەستەواژەیێ دهێنە هاندان هەتا کو بۆ جڤاکی بسەلمینن کو تەڤگەر ئانکو بزاڤا فمێنیزمێ بخۆ ل پێناڤ ب ئامرازکرنا ژنێ وجوداهیا ڕەگەزی د خەبتیتن.
ڕاستی ئەوە کو فمێنیزیم هەتا وی ڕادەیی پرس لسەرن کو ناسیۆنالیزم (نەتەوەپرستان)، لیبرالیزم و سوسیالیزم و…. لێ خالێن لاوازێن هیچ ئێک ل ڤان مەرەم ومەکتەبان هەیا نها نەکاریە خالێن بهێزێن وان پەردەپۆش بکەن ئانکو ڤەشێرن وهەر د جڤاکیدا پشتگرێن خۆ یێن بهێز هەنە و کەس نکاریتن مەنتقیا دەرکەتنا وان ئینکارێ لسەر بکەتن.
گەر ئەم ژ نێزیکڤە ل مەنتقیا بلندبوونا فمێنیزمێ د دیرۆکێدا بنێرین،ئەو ژی مینا مەکتەبانیتر دژبەرەک بوویە دژ ب چارچۆڤێ زەڵام سالارێ کو هزارەهان ساڵە ب کۆێلەکرنا ژنێ وکوشتن و توندوتیژیا دژی ژنێ پێنگاڤان دهاڤێژیتن.چارچوڤەکی کو هەتا ئاستەکێ کویر ب ناڤخۆیا مرۆڤان دا چۆیە و بیە پشکەک ژ مە،و دووبەرەکی ئێخستیە ناڤبەرا دونیایا مرۆڤان ودونیا دناڤبەرا ژنایەتیێ و زەلامەتیێ دا دابەشکریە.
مەنتقی دیالیکتا وی ڕەنگی نیشا ددەتن کو دڤێتن لهەمبەری وەها چارچوڤەکی سەرهەلدانەک بهێتەکرن هەتا جیهانا مرۆڤاتیێ د درێژاهیا دیروکێدا، سەڕەرایی جوداهیا فیزیۆلۆژی کو بگەهیتە ئاستێ ئێکسانیبوونێ وبگرە بەرامبەربوونێ.دڤێتن ل ئاستێ هەر زەڵامەکێ دژ ب ژنێ، ژنەکا دژ ب زەڵامی سەرهەڵبدەتن هەتا د دووماهێ مرۆڤەکێ رێزدار وپارێزڤان ل هەمبەر ئێک بهێنە هەبوونێ.
جڤاکێ کوردی بۆ گەهشتن ب ئازادیێ دڤێتن پێکولان بکەتن ژ بوویی پێکئانینا ئێکسانیا ناڤبەرا ژن وزەڵامی دا. مە پێدڤی ب فمێنیزمەکێ هەیە کو د هەمان دەمدا تێکەل ببیتن ب خەباتا نەتەوەیی ومرۆڤایەتیی،ب ڕەنگەکی کو ببیتە سەدەمێ سەرهەلدانا مەڵبەندا مە و کەتوارێ کوردی بیتن.
بۆ ژنەکا کورد چەوا لسەر بناغێ خەبات وکەدەکا نێڤ خۆیی نەبوویە، نکاریتن هەلگرا ئەوێ واتایێ بیتن بۆمە کو ژبوویی ژنەکا ڕۆژئاڤایێ یا پێشینەیا دوو سەدیێن خەباتێ دگەل.
٨ ئادارێ بۆ ژنێن نەتەوەیەکی ئەگەر لسەر بناغەکێ ڕاستەقینە هاتبیتە دانان، دڤێت هەست ب غوروورێ وخەباتێ د ناخیدا زیندی ببیتەڤە.دڤێتن نۆنەرا دەستکەڤتەکی بیتن کو دەرئەنجامێ بیرۆکە ودەستکەڤتەکێ بێ ڕاوەستیان ودووماهی بیتن.ئەو هەست وئەو دەستکەڤتێ کو دنهادا بۆ مە جهێ بەرزەبوونێ ونەمۆبوونیە. لێ ژبۆ مە دەمێ هزر د خەباتا ژنێن مینا لەیلا قاسمێ و ژنێن بەرخۆدان وجانفیدایی بۆ خاک و وەڵاتێ خۆ کری و ل پێناڤ ئازادیا ژنا کورد مانایا خۆلقاندی.
فیمێنیزم دنـــــــاڤا جڤاکیدا
