ئافرەتا کورد وهەستێ نەتەوەیی
دلڤین خەلەف
هەموو دەما ئافرەتا کورد ب دلسۆزانە هزرو بیر ل هەبوونا نشتیمانەکی ئازاد کریە وئارمانجا وێ رێکخۆشکرنا پاشەرۆژەکا گەش وپەیداکرنا ژیانەکا ئارام وجڤاکەکی ئازا و پێشکەفتی ژبۆ نەڤیێن داهاتی دچارچووڤێ وەلاتەکی سەربەست وسەربەخۆ دە بوویە وهەردەم ئافرەتا کوردستانی، بمۆرالەکا بەرز وبلند وهەست وسوزێن مکوم ڤیانا نەتەوایەتی وخەمخۆریا وەلاتپارێزی بسەر هەموو قوناغێن ژیانا خۆ دە زاڵکرینە وگرنگی دایە ئاڤەدانیا نشتیمانەکی ئارام وسەربخۆ، کو هەردەم ئۆمێدێن ئەوێ بووینە وپێخەمەت وێ چەندێ بوویە قوربانیا بیروباوەرێن خۆ یێن کو ل درێژیا دیرۆکێ هیڤیێن بجیهاتنا ئەوان خەونێن ئەوێ یێن شەڤێن درێژ بووینە.
بێ گومان ئەگەرێ سەرکەڤتنا کۆمەلگەهێن هشیار وخودان بیروباوەرێن جهگرتی ونەلڤ ئاڤاکرنا جڤاکێن ساخلەم وپێشکەڤتیە وهەبوونا هەستێ بلندێ نشتیمانپەروەریە وچاندنا رەهـ وریشالێن نەتەوەیە دناخێ نەڤیچرکێن پاشەرۆژێ دە وئافرەتێ ژی رۆلەکی کارا وبەرچاڤ دڤی بواری دەهەیە و هەردەم هەستێ وێ یێ نەتەوەیی، ئێک ژخالێن گرنگ یێن گەهشتنا ئارمانجێن وێ بوویە وشانازیەکا مەزن ب نشتیمان ونەتەوا خۆ کریە، ولسەر ئەڤان بیروباوەران بەردەوامی دایە پەروەردەکرنا خێزانەکا سەرکەفتی وجڤاکەکی پێشکەفتی وداخوازا وەلاتەکی ئازادکریە.
ئەنداما سکرتاریەتا ئێکەتیا ئافرەتێن کوردستانێ