سەرۆکی هەرێمی کوردستان بۆ کۆچی دوایی شێخ ئەحمەد بن ڕاشد ئال مەکتووم، پەیامێکی سەرەخۆشیی ئاراستەی شێخ محەمەد بن ڕاشد ئال مەکتووم و سەرکردایەتی و گەلی دەوڵەتی ئیمارات کرد.
دەقی پەیامی نێچیرڤان بارزانی، سەرۆکی هەرێمی کوردستان لە تۆڕی کۆمەڵایەتیی (ئێکس):
پرسە و هاوخەمیی قووڵی خۆم ئاراستەی برام خاوەن شکۆ شێخ محەمەد بن ڕاشد ئال مەکتووم، جێگری سەرۆکی دەوڵەتی ئیماراتی یەکگرتووی عەرەبی، سەرۆکوەزیران و فەرمانڕەوای دوبەی، هەروەها خێزانی کۆچکردوو و تەواوی بنەماڵەی بەڕێزی ئال مەکتووم و سەرکردایەتی و گەلی دەوڵەتی ئیماراتی یەکگرتووی عەرەبیی برا دەکەم، بەبۆنەی کۆچی دواییی شێخ ئەحمەد بن ڕاشد ئال مەکتووم.
لە خوای گەورە دەپاڕێمەوە کۆچکردوو بە ڕەحمەت و لێخۆشبوونی فراوانی خۆی شاد بکات و لە بەهەشتی بەرینیدا نیشتەجێی بکات، سەبووری و دڵنەوایی بە خێزان و کەسوکار و خۆشەویستانی ببەخشێت.
إنا لله وإنا إليه راجعون.