وەزارەتی دارایی و ئابووری حكوومەتی هەرێمی كوردستان رایگەیاند، ئەمڕۆ لیستی مووچەی مانگی سێی فەرمانبەرانی هەرێمی كوردستان رەوانە بەغدا دەكەن و سبەی رادەستی وەزارەتی دارایی عێراق دەكرێت.
وەزارەتی دارایی و ئابووری رایگەیاند: ئێوارەی ئەمڕۆ یەکشەممە (29ی ئازاری 2026) لیستی مووچەی مانگی ئازاری فەرمانبەران و مووچەخۆرانی هەرێمی کوردستان و ڕاپۆرتی تەرازووی پێداچوونەوەی مانگی شوبات لەلایەن تیمی تەکنیکی وەزارەتی دارایی و ئابووری هەرێمی کوردستانەوە ڕەوانەی بەغدا دەکرێت.
وەزارەت راشیگەیاند: سبەی دووشەممە ڕادەستی فەرمانگەی ژمێریاری وەزارەتی دارایی حکوومەتی فیدراڵ دەکرێت.