محەمەد لادێ
دەستەی بەڕێوەبەرایەتیی مۆزەخانەی لووڤر لە پاریس بڕیارێکی مێژوویینی دا بۆ گواستنەوەی تابلۆ بەناوبانگەکەی “مۆنا لیزا”ی لیۆناردۆ دا ڤینچی بۆ ژوورێکی سەربەخۆ و تایبەت لە بەشی ژێرزەمینی مۆزەخانەکەدا.
ئەم هەنگاوە بە مەبەستی ڕێکخستنەوەی قەرەباڵغییە زۆرەکەی سەر مۆزەخانەکەیە؛ بەپێی ئامارەکان ساڵانە زیاتر لە ٨ ملیۆن سەردانیکەر ڕوو لە لووڤر دەکەن کە زۆربەیان تەنیا بۆ دیداری ئەم شاکارە هونەرییە دێن. قەرەباڵغیی بەردەوام لە ژووری سەرەکیدا ببووە هۆی کەمکردنەوەی ئەزموونی بینین و تێکدانی هێمنی مۆزەخانەکە.
بەپێی پلانی نوێ، ژوورە تایبەتەکە ئەزموونێکی باشتر و ئارامتر بۆ بینەران دابین دەکات، هاوکات سیستەمی ئەمنی بەهێزتر و ئامێری پێشکەوتووی ڕاگرتنی پلەی گەرما و شێ بۆ پاراستنی تابلۆکە لە تێکچوون لەخۆ دەگرێت.