محەمەد خدر
ساڵانێکە لەسەر شۆستەی ئەم شارە،
دەستی من و پەڕەی کتێب هاوڕێی یەکن.
بەیانیان بە بۆنی مەرەکەبی گەرمی ڕۆژنامەکان
شەپۆلی وشە و هەواڵەکان بڵاو دەکەمەوە.
من سەوداگرێکی خامۆشم لە نێو جەنجاڵیدا،
مێژووی شار و خەمی خەڵکم لەناو جانتاکەم هەڵگرتووە.
ڕۆژنامەیەک بۆ دەستی باوکێکی ماندوو،
کتێبێک بۆ خەیاڵی کچۆڵەیەکی چاوەڕوان.
ئەم دەستانەی من بێدەنگن،
بەڵام سەدان داستان و شیعریان بە جیهان بەخشی.
تەمەنم ڕژایە نێو سەردێڕی هەواڵەکان و
تۆزی سەر بەرگی کتێبە کۆنەکان.
گەرچی ڕۆژگار وەک لاپەڕەی ڕۆژنامەی دوێنێ تێپەڕی،
کوا لە کوێی ئەم شارەدا
ڕۆشناییەک هەبووبێت و
دڵۆپێک ڕۆحی منی تێدا نەبووبێت؟