ئافرەت و پێكڤەژیان ل كوردستانێ
دلڤین خەلەف*
پێکڤەژیان وبراتیا پێکهاتەیان ل کوردستانێ ئەڤرۆ بوویە جهێ شانازیا مڵەتێ کورد بگشتی سەرەرای هەموو ئەوان ئاستەنگیێن ل درێژیا دیرۆکێ کەفتینە پێش هەبوونا وی ودژواریا ئەوێ دوژمناتیا مێژووی یا كو وەلاتێن دەوروبەر ل دژی ئازادیا وی بکاردئینا و نە دهێلان بمافێ خۆ شادبە وبگەهە ئارمانجێن خۆ یێن سەرەکی و لسەر ئاخا وەلاتێ خۆ بژین وەکو هەر وەلاتەکی ئازاد.
هزرو بیرێن نڤیسینا ئەڤی بابەتێ گرنگ ل بامن پەیدابوو دەمێ ئەم ب سەرەدانەکێ دگەل هژمارەکا ئەندامێن ئێکەتیا ئافرەتێن کوردستاتێ ل پەرستگەها لالش ئامادەبووین ب مەرەما ئەو ژنێزیک ڤی جهێ پیرۆز ببینن و پاشی ئەم هەموو ب هەڤرە ژ بۆ هەر کەسەکی بدەینە خویاکرن کو هەردەم کوردستان جهێ پێکڤەژیانا بوویە وکا چاوا جهێ براتیا هەموو ئۆل وئاین ونەتەوێن ئاشتی خواز بوویە وکا ب چی رەنگی ب هەڤرە دژین. بێگومان ئارمانج ژ ئامادەبوونا مە ل پرستگەها لالش ئەو جهێ دیرۆکی یێ پاک و پیرۆز كو هەر دەم جڤاکێ ئێزدی سەردکێشتە بەر ورێورسمێن خوە یێن ئاینی لێ ساخ دکەن وجەژن وئاهنگێن خۆ یێن جڤاکی ب ئازادی لێ دگێرن و هەردەم ژ بۆ پاراستنا مرۆڤایەتیێ پەروەستەی خودایێ مەزن دبن، ئەوبوو ئەم راستیا پێکڤەژیانێ دناڤ کۆمەلگەهێ کوردی دە ئەڤرۆ هەی وەکو خوە بدەینە دیارکرن ودڤێ سەرەدانێ دە جڤاکێ ئێزدی بکەینە نمونەیا ئاشتیێ ولێک بۆرینێ، ژبەر کو ل درێژیا ژیانا خوە دە ئەڤ جڤاکە تووشی ب سەدان هێرش وفرمانێن دژوار بوویە و وهەردەم هەولێن قرکرن ونەمانا وان ژلایێ دوژمنێن مرۆڤایەتیێ ڤە هاتیە دان، لێ هەموو جارا ئەوان ب باوەریەکا موکوم بەرگری ژ هەبوون وچاند وکلتورێ باب وکالێن خوە کریە وکارینە ئەڤی جهێ پیرۆز ژهێرشێن دوژمنا بپارێزن هەتا کو ئەڤرۆ بوویە جهێ پێکڤەژیانا هەموو پێکهاتەیێن خێرخواز ل کوردستانێ ومڵەتێ کورد ژی شانازیەکا مەزن پێ دبەت.
ئافرەتا کورد هەموو دەما داخوازا ژیانەکا بەختەوەر ژ بۆ خێزانا خوە کریە وئازادیێ ژ بۆ جڤاکێ خوە خواستیە وقوربانیێن مەزن پێخەمەت ڤێ جەندێ داینە، لەوما ئەڤرۆ ئەڤان جۆرێن سەرەدانا دکەنە ئارمانج وهیڤیا پێکڤەژیانەکا ئارام ووەکهەڤیەکا دروست و عادلانە بۆ هەموو پێکهاتێن دەڤەرێ دخوازن داکو سەرجەم ئۆل وئاین ونەتەوێن لناڤ
کوردستانێ وەک خوشک وبرا ڤێ ئازادیێ ب پارێزن ولسەر پێکڤەژیانەکا وەک هەڤی وبراتیەکا موکوم دبەردەوام بن، ژبەر کو بتنێ بنەمایێن پێکڤەژیانێ وپاراستنا پێکهاتەیێن ل کوردستانێ گرێدایە ب ئارامیا دەڤەرێ ڤە وئەڤ چەندە ژی ل ژێر سایا سیاسەتا حەکیمانە یا جەنابێ سەرۆک بارزانی و سەرکردایەتیا پارتیا مە دهێتە جه و هیڤیێن هەموو پێکهاتەیێن ڤی وەلاتی ئەڤرۆ کوردستانەکا ئازاد و پێکڤەژیانەکا ئارمە.
ئەڤرۆ لسەرانسەری دەڤەرا رۆژهەلاتێ ناڤەراست كوردستان بوویە جهی بیكڤەژیانا هەموو پێکهاتەیا ژبەر کو هەبوونا سەرجەم ئۆل و نەتەوا تێدە دیارە هەر وەک (كورد وعرب وتركمان ومسیحی ونەتەوێن جۆرا و جۆر و هەروەها (موسلمان ومسیحی وئێزدی وشەبەک وکاکاێی وزەردەشتی) ژی تێدە هەنە وهەر ئێک ژڤان ئۆل وئاین ونەتەوا ب ئازادی وسەربەست رێورسم وئاهەنگێن خوە یێن تایبەت برێڤە دبەن وبێی کو هیج کەس مایێ خوە د کاروبارێن وان دە بکەت بەلکو بەرۆڤاژی ڤێ چەندێ د گێرانا رێورسمان دە ب برایەتی پشکداریێ د ئاهەنگێن ئێک دە دکەن و هەر ئەڤەیە رامانا پێکڤەژیانا راستودروست دناڤ هەموو مڵەتێن ئاشتیخواز دە.
واتەیا پێکڤەژیانێ ئەڤەیە ل دەمێ ئەڤرۆ ئەم ھەموو ل ڤی جهێ پیرۆز ل كوردستانەكا ئازاد گەهشتینە ئێک و رێزێ ل ئۆل و ئاینێ هەڤدوو بگرین و بخۆشی و نەخۆشیان هەڤپشکێن ئێش وئازارێن هەڤدوو بین.
ئەڤە پەیاما مە یە لسەر پێکڤە ژیانێ ل ڤی جهێ پیرۆز ومەرەم ژسەرەدانا مە ئەوبوو ئەم ژ نێزیک دگەل ئێک راستیا ژیارا هەموو پێکهاتەیێن مڵەتێ خوە وبتایبەت جڤاکێ ئێزدی لڤی جهێ پیرۆز ببینین ودگەل ئێک گێرانا رێورسمێن وان یێن ئۆلی وسەرەدەریا وان دگەل ئۆل ونەتەوێن دن ببینین وپشکداریێ ودانوستاندنێ لسەر خالێن گرنگ و ئەرێنی یێن پێکڤەژیانا وان دگەل خەلکێ دن دە بکەین و راستیێن هاتینە دیتن وەکو خوە ژ بۆ هەر کەسی ڤەگوهێزین ژبەر کو ئەم وەکو مڵەتێ کورد هەموو ل خالا دووماهیێ و لسەر بنەمایەکی نەتەوەی پ هەڤرە دگەهین و پێکهاتەیێن ئێک وەلاتینە وژیانا مە هەمووا دڤی پارچێ ئازاد دە پ هەڤرە گرێدایە و چارەنڤیسێ مە هەمووا ئێکە وسەرەدانا مە بۆ لالشا نورانی جهێ باب وکالێن مە کوردان ئێک ژ بنەمایێن پێکڤەژیانا وەلاتێ مەیێ رەنگینە * ئەنداما سکرتاریەتا ئێکەتیا ئافرەتێن کوردستانێ