سەندیکای ئەندازیارانی کوردستان هەنگاوی بۆ دروستکردنی سەنتەری هەلی کار وەک دامەزراوەیەک بۆ لە ئەستۆ گرتنی خزمەتگوزاری، بۆ یەکێتی بەڵێندەرانی کوردستان ناردووە، یەکێتی بەڵێندەرانی کوردستانیش، هەنگاوەکەی بە فەرمی بۆ لق و نووسینگەکانی نارد و کارەکەی پێ ناساندن.
ئەمڕۆ چوارشەممە، 28ـی ئابی 2024، عەبدولڕەحمان عەلی کوردە، نەقیبی ئەندازیارانی کوردستان لە نووسراوێکدا ڕایگەیاند، سەنتەرەکە ڕۆڵی دەبێت لە ئاسانکاری بۆ ئەندازیارانی بێ کار و هەروەها دامودەزگا حکوومییە تایبەتەکان، کە ئەندازیارە پسپۆڕییە جیاوازەکان بخرێنە سەندیکای ئەندازیارانی کوردستان.
نووسراوی سەندیکای ئەندازیارانی کوردستان، وەک بڕیاری سەندیکای ن.س 31/2024 لە ڕۆژی 2024/8/22، بڕیاری بە پێنج خاڵی سەنتەرەکە بۆ دامەزراند لێداوە.
خاڵەکانیش بریتین لە؛
. پەیڕەو بۆ سەندیکاکە لە ماوەیەکی نزیکدا دابنرێت.
. بارەگای سەنتەر لە ئەنجوومەنی سەندیکا/ هەولێر دەبێت.
. سەندیکای ئەندازیاران پێداویستییەکان دابین دەکات.
. لەگەڵ هەموو دامودەزگا حکوومی و تایبەتەکان هەماهەنگی دەکات.
. بۆ بڵاوکردنەوە و پێدانی داواکارییەکان پەیج و ئەکاونتی واتس ئەپی دەبێت.
