مەسرور بارزانی پشتەڤانییا حکوومەتێ ژ بۆ بنگەهێ لالش دووپات دکەتەڤە

مەسرور بارزانی، سەرۆکوەزیرێ هەرێما کوردستانێ 31 ساڵیا دامەزراندنا بنگەهێ لالش یێ ڕەوشەنبیری و جڤاکی پیرۆز دکەت و پشتەڤانییا حکوومەتا هەرێما کوردستانێ بۆ “بنگەهێ لالش و مافێن خوشک و برایێن ئێزیدی” دووپات دکەتەڤە.

دەقا پەیاما سەرۆکوەزیر مەسرور بارزانی:

پەیاما پیرۆزباهیێ یا سەرۆكێ حکومەتا هەرێما کوردستانێ ب هەلكەفتا ساڵڤەگەڕا دامەزراندنا بنگەهێ لالش

ب هەلکەفتا ساڵڤەگەڕا 31ێ یا دامەزراندنا بنگەهێ لالش یێ ڕەوشەنبیری و جڤاکی، پیرۆزباهییان ئاراستەی سەرۆک و ئەندامێن دەستەیا بلند و هەموو خوشک و برایێن ئێزدی دکەم و هیڤییا سەرکەفتنێ بۆ هەوە دخوازم.

هیڤیدارم بنگەهێ لالش یێ بەردەوام بیت ل خزمەتکرنا كولتوورێ ڕەسەنێ کوردی و پویتەپێدانا داب و نەریتێن جڤاكا ئێزیدی و جانێ برایەتیێ وپێکڤەژیانێ ل ناڤ تەڤایا پێکهاتەیێن کوردستانێ.

ب ڤێ هەلکەفتێ، ئەم پشتەڤانییا حکوومەتا هەرێما کوردستانێ بۆ بنگەهێ لالش و مافێن خوشک و برایێن ئێزیدی ب گشتی دووپات دکەینەڤە.

مەسرور بارزانی

سەرۆکێ حکوومەتا هەرێما کوردستانێ

2024/5/12