هاتوچۆی هه‌ولێر داوا له شوفێران ده‌كات ئه‌م ڕێگایانه‌ی هه‌ولێر به‌كار مه‌هێنن
به‌ڕێوه‌به‌رایه‌تی هاتوچۆی هه‌ولێر داوای له شوفێران كرد به‌هۆی مه‌ترسی و دروستبوونی لافاو هه‌ندێ ڕێگای شاری هه‌ولێر به‌كار مه‌هێنن.
فازڵ حاجی گوته‌بێژی پۆلیسی هاتوچۆی هه‌ولێر داوا له شوفێران ده‌كات چه‌ند ڕێگه‌یه‌ك له سنووری شاری هه‌ولێر زیانی زۆریان به‌هۆی لافاوه‌وه پێ گه‌یشتووه و خۆیان له‌م ڕێگایانه به دوور بگرن.
ڕێگاكانیش بریتین له: ڕێگای سه‌ره‌كی كۆڕێ شه‌قڵاوه، ڕێگای سه‌ره‌كی هه‌ولێر پیرمام، ڕێگای سه‌ره‌كی قوشته‌په، ڕێگای سه‌ره‌كی مه‌خموور، ڕێگای سه‌ره‌كی فاتاوه، ڕێگای سه‌ره‌كی ماوه‌ران – میراوه.
جێی باسه پارێزگای هه‌ولێر پێشتر هۆشداریی دابووه هاووڵاتییان كه مه‌ترسی دووباره دروستبوونه‌وه‌ی لافاو له سنووری پارێزگای هه‌ولێر ده‌كرێت، داواشی كردبوو كه ئه‌گه‌ر زۆر زه‌روور نه‌بێت ڕێگاكانی ده‌ره‌وه و ناوه‌وه‌ی هه‌ولێر به‌كار نه‌هێنن.