وەزارەتی سامانە سرووشتیەکانی حکومەتی هەرێمی کوردستان بڵاوی کردەوە، تا ڕۆژی (18-ی کانوونی یەکەمی 2023)، زیاتر لە 192 ملیۆن لیتر نەوتی سپیان بەسەر هاووڵاتیان دابەشکردووە.
وەک وەزارەتەکە بڵاوی کردۆتەوە، لە هەولێر، زیاتر 81 ملیۆن لیتر و، لە سلێمانی، زیاتر 70 ملیۆن لیتر، هەروەها لە دهۆک، نزیکەی 41 ملیۆن لیتر نەوتی سپی دابەشکراوە.
وەزارەتی سامانە سرووشتییەکان ئاماژەی بەوە کردووە، تائێستا نزیکەی 962 هەزار خێزان لە وەرگرتنی نەوتی سپی سوودمەند بوونە کەدەکاتە نزیکەی (75%)ی کۆی ژمارەی خێزانەکانی هەرێمی کوردستان، بەشێوەیەک هەولێر نزیکەی 85%، سلێمانی نزیکەی 67% و،دهۆک نزیکەی 73%.