ئەمڕۆ سێشەممە، 12-12-2023، له‌ژێر چاودێریی ئومێد خۆشناو، پارێزگاری هه‌ولێر و فه‌رمانگه‌ی ڕێكخراوه ناحكومییه‌كانی كوردستان، رێكخراوی ئاشتی و ئازادی، كۆنفڕانسی (لاوان – زانكۆ – ئاشتی) به‌به‌شداریی شاندێكی فه‌رمی هەرێمی کەتەلۆنیای ئیسپانیا سازکرد.
پارێزگاری هەولێر لە گوتارێکدا ئاماژەی بە پەیوەندییەکانی هەردوو هەرێمی کوردستان و کەتەلۆنیا کرد و هیوای خواست لە هەموو ئاستەکان پەرە بە پەیوەندییە دووقووڵییەکان بدرێت.
ئومێد خۆشناو گوتیشی، “گفتوگۆکانمان لەگەڵ هەرێمی کەتەلۆنیا دەستیانپێکردووە بەمەبەستی بەرەوپێشبردنی پەیوەندییەکانمان؛ چونکە کۆمەڵێک پرس هەیە هەردووکمان بەیەکەوە دەبەستێتەوە”.
شاندەکەی هەرێمی کەتەلۆنیا نوێنەرایەتیی رێکخراوە فەرمییەکان و لاوانی هەرێمی شاری بەرشەلۆنا و هەرێمەکە بە شێوەیەکی گشتی دەکات.
پارێزگاری هەولێر جەختیشی کردەوە، حکومەتی هەرێمی کوردستان پشتیوانی لە بزاڤ، چالاکی، کار، بیرۆکەی داهێنەرانە، رۆشنگەرایەتی، کاری رێکخراوەکان و بەتایبەت توێژی لاوان دەکات.
بە گوتەی ئومێد خۆشناو، “ئێمە لە هەرێمی کوردستان و بەتایبەت لە هەولێر، هاوبەشیمان زۆرە لەگەڵ هەرێمی کەتەلۆنیا کە لە ناخی هەر تاکێکی هەردوو هەرێمەکە، بیرکردنەوەیەک، دەوڵەتێک و ئازادی بوونی هەیە. ئەگەر ئەمڕۆش رێگریمان لێ بکرێت، بەڵام ئەمە بابەتێکی زیندووە لە یادگەی هاووڵاتییانی هەردوولا”.
وەکو ئەوەی پارێزگاری هەولێر باسی کرد، “دڵنیاین لە ئاییندەدا هەردوو هەرێمی کوردستان و کەتەلۆنیا بە سەربەخۆیی دەگەن کە هەردوولامان لە پێناویدا قوربانیمان داوە. بەتایبەت ئێمە لە ناوچەیەکی زۆر جیاوازترین، لەپێناو بەدەستهێنانی ئەو سەربەخۆییە، دەیان کارەسات و مەرگەساتمان بەسەرهاتووە”.
پارێزگاری هەولێر لە بەشێکی دیکەی قسەکانیدا هیوای خواست لە بواری وەرزشیشدا پەرە بە پەیوەندییە دووقووڵییەکان بدرێت و ئاماژەی بەوە کرد، دەیانەوێت وەکو یانەی هەولێر هەماهەنگییان لەگەڵ یانەکانی هەرێمی کەتەلۆنیا هەبێت. گوتیشی، “لە هەرێمی کوردستان وەکو هەر وڵاتێکی دیکە، هاندەری بەرشەلۆنەمان زۆرە و سەیری یارییەکانی کلاسیکۆ دەکەین”.
پارێزگاری هەولێر دەڵێت، “دڵنیاین لە داهاتوودا هەردوو هەرێمی کوردستان و کەتەلۆنیا بە سەربەخۆیی دەگەن”. ئاماژە بەوەش دەدات، کۆمەڵێک پرس، هەردوولا بەیەکەوە دەبەستێتەوە.
ئەمڕۆ سێشەممە، 12-12-2023، له‌ژێر چاودێریی ئومێد خۆشناو، پارێزگاری هه‌ولێر و فه‌رمانگه‌ی ڕێكخراوه ناحكومییه‌كانی كوردستان، رێكخراوی ئاشتی و ئازادی، كۆنفڕانسی (لاوان – زانكۆ – ئاشتی) به‌به‌شداریی شاندێكی فه‌رمی هەرێمی کەتەلۆنیای ئیسپانیا سازکرد.
پارێزگاری هەولێر لە گوتارێکدا ئاماژەی بە پەیوەندییەکانی هەردوو هەرێمی کوردستان و کەتەلۆنیا کرد و هیوای خواست لە هەموو ئاستەکان پەرە بە پەیوەندییە دووقووڵییەکان بدرێت.
ئومێد خۆشناو گوتیشی، “گفتوگۆکانمان لەگەڵ هەرێمی کەتەلۆنیا دەستیانپێکردووە بەمەبەستی بەرەوپێشبردنی پەیوەندییەکانمان؛ چونکە کۆمەڵێک پرس هەیە هەردووکمان بەیەکەوە دەبەستێتەوە”.
شاندەکەی هەرێمی کەتەلۆنیا نوێنەرایەتیی رێکخراوە فەرمییەکان و لاوانی هەرێمی شاری بەرشەلۆنا و هەرێمەکە بە شێوەیەکی گشتی دەکات.
پارێزگاری هەولێر جەختیشی کردەوە، حکومەتی هەرێمی کوردستان پشتیوانی لە بزاڤ، چالاکی، کار، بیرۆکەی داهێنەرانە، رۆشنگەرایەتی، کاری رێکخراوەکان و بەتایبەت توێژی لاوان دەکات.
بە گوتەی ئومێد خۆشناو، “ئێمە لە هەرێمی کوردستان و بەتایبەت لە هەولێر، هاوبەشیمان زۆرە لەگەڵ هەرێمی کەتەلۆنیا کە لە ناخی هەر تاکێکی هەردوو هەرێمەکە، بیرکردنەوەیەک، دەوڵەتێک و ئازادی بوونی هەیە. ئەگەر ئەمڕۆش رێگریمان لێ بکرێت، بەڵام ئەمە بابەتێکی زیندووە لە یادگەی هاووڵاتییانی هەردوولا”.
وەکو ئەوەی پارێزگاری هەولێر باسی کرد، “دڵنیاین لە ئاییندەدا هەردوو هەرێمی کوردستان و کەتەلۆنیا بە سەربەخۆیی دەگەن کە هەردوولامان لە پێناویدا قوربانیمان داوە. بەتایبەت ئێمە لە ناوچەیەکی زۆر جیاوازترین، لەپێناو بەدەستهێنانی ئەو سەربەخۆییە، دەیان کارەسات و مەرگەساتمان بەسەرهاتووە”.
پارێزگاری هەولێر لە بەشێکی دیکەی قسەکانیدا هیوای خواست لە بواری وەرزشیشدا پەرە بە پەیوەندییە دووقووڵییەکان بدرێت و ئاماژەی بەوە کرد، دەیانەوێت وەکو یانەی هەولێر هەماهەنگییان لەگەڵ یانەکانی هەرێمی کەتەلۆنیا هەبێت. گوتیشی، “لە هەرێمی کوردستان وەکو هەر وڵاتێکی دیکە، هاندەری بەرشەلۆنەمان زۆرە و سەیری یارییەکانی کلاسیکۆ دەکەین”.