هەولێر ژیانی تایبەتی “بارام بەگ” لەزاری كەسە نزیكەكانیەوە

مەزهەر كەریم – سلێمانی

(بارام بەگ) ناوی تەواوی (بارام نەجیم بارام)ـەو لەگوندی شوشمێی لەساڵی 1913 دلەدایك بووە دوای چەند سالێك لە لەدایكبونی ماڵیان دێتە باشووری كوردستان لە گوندی سۆسەكانی سەربە ناحیەی بیارە نیشەجێ دەبن .

( بارام بەگ) دووجار هاوسەرگیری كردووە حەوت منداڵی هەبوە، بارام بەگ ساڵی 1989 لەقەزاری شارەزوور كۆچی دوایی دەكات هەر لەهەمان شوێن واتا شارەزوور تەرمەكەی بەخاك دەسبێردرێت.
زۆرینەی هاوڵاتیانی هەورامان هەڵەبجە حەزیان لەقسەخۆشەكانی ئەم پاوە بووە بەتایبەت بەگزادەكانی هەورامانی ڕۆژهەڵات و باشوور.
(بارام بەگ) پیاوێكی قسە خۆش بوە لەهەر شوێنێك بۆ هەر بابەتێك تەڵاقێكی خستوە . هەموو چین و توێژەكان حەزیان لەو شوێنەبوە كە بارام بەگی تێدا بووە بەهۆی قسەی خۆش و شادەییەكەی ئەو پیاوە زۆر خۆشەویست بوە. بارام بەگ كابرایەكی میللی بووە و بەقسە خۆش ناسراوەو هەردەم مەجلیسی گەرم كردووە.
یەكێك لەخزمەكانی بەناوی (عەبدوڵا) باس لەژیان و بەسەرهاتەكانی بارام بەگ دەكات و دەڵێت:” هەردەم قسەخۆش بوو تەنانە لەماڵەوەش لەگەڵ خێزانەكەی قەت قسەیەكی نەدەكرد بەرامبەرەكەی پێی ناخۆش بێت، هەشتێكی بەدڵ نەبوو بێت بەزمانێك دەری دەبڕی كە قەت دڵت نەیەشێت”.
گوتی:” شانازی بە بارام بەگەوە دەكەین ئەو لەناو خەڵكدا قەدر و ریزی زۆر بووە. لەئێستادا خانوەكەی ماوە و كه كوڕەكەی تێیدا دەژی وەك یادگاریەك كوڕەكەی هێشتویەتییەوە. نەك خانوەكەی لەدوایی 35 ساڵ لەكۆچكردنی تەڵاقەكانی بارام بەگ لەناو خەڵكدا ماوەتەوە. زۆرێك لەهەوادارانی پەیج و ئەكاونتی تایبەتیان لەفەیسبووك بەناوی بارام بەگ وە كردۆتەوە”.
ئەو خزمەی بارام بەگ كەبەردوام بوو لەقسەكانی گوتیشی:” لەسەردەمی شۆڕشی ئەیلولدا پێشمەرگەی پارتی دیموكراتی كوردستان بوە دەمانچەیەكی چواردەخۆری هەبووە زۆر حەزی بەسەربەخۆیی و سەرخستنی كورد بوە لە شۆڕشدا بەشدار شەڕی كردوە”.
دەگێڕنەوە بارام بەگ خانوویەك دەكرێت لە هەڵەبجە بە (120) دینار و بەهۆی دووری شوێنەكەیەوە نێگەرانی لایی خانەوادەكەی دروست دەكات و بارام بەگ تەڵاق دەخوات كە ڕۆژێك دێت ئەو خانوەی دەبێتە ناوەڕاستی هەڵەبجە. هەر دەگێڕێنەوە بارام بەگ لەگەڵ چەند پیاوێك و (حەمە رەزا بەگی نەوسود) لەبەرزایەكانی دووری سۆسەكان كە نێوان سنووری سۆسەكان و شوشمێ دادەنیشن خەریكی تاوڵە و كۆنكان بوون، خانوویەك لە سۆسەكان گڕ دەگرێت دوكەڵەی دەبینن یەكسەر بارام بەگ تەڵاق دەخوات ئەوە خانووەكەی منە گڕی گرتووە، ئەوانیش دەڵێن ماڵت ئاوا بێت بارام ئەم تەڵاقەت بۆچی خست لەخۆتەوە، پاش كەمێك لە سۆسەكانەوە كەسێك دەڕواتە لایان لێی دەپرسن؟ ئەوە ماڵی كێ بوو سوتاوە ئەویش دەڵێت ماڵی بارام بەگ بوو.
هاوڕێكانی بارام بەگ بە بارام بەگ دەڵێن ئۆتۆمبیل هەرزان بووە بۆ ئۆتۆمبیلێكی ناكڕیت بارام بەگ تەڵاق دەخوات ئۆتۆمبیل ببێت بەیەك دینار سەروەتەكەی ئەو دەبێتە هەژدە پەنجایی.
سێ بەسێ تەڵاق دەخوات هەركەسێك دوو مەخزەن فیشەك بەیەكەوە بلكێنێت ئەوە هیچی لێنایەت.
سێ بەسێ تەڵاق دەخوات پیاو نەگبەتی بوو محەلەبی بخوات دانی دەشكێت.
سێ بەسێ تەڵاق دەخوات كەس خاوەنی تەزبێحی خۆی نیە.
سێ بەسێ تەڵاق دەخوات هەركەس چوار قسە بكات سیانیان لە بەرژەوەندی خۆیەتی.
سێ بەسێ تەڵاق دەخوات ژن خەیبەتی لە كفتە لەلا خۆشترە.
سێ بەسێ تەڵاق دەخوات ترسەت هەیە لەماڵەی خۆتدا ئۆتۆمبیل لێت بدات.
سێ بەسێ تەڵاق دەخوات یابراخ ساردنابێتەوە كە ساردیش بوەوە گەرم نابێتەوە.
سێ بەسێ تەڵاق دەخوات ژن و مێرد قەت رێكناكەون هەر نەبێت یەكیان سەرمایەتی ئەوی دیكەیان گەرمایەتی. سێ بەسێ تەڵاق دەخوات عەلادین قاچی خۆی گەرم ناكاتەوە ئەی چۆن قاچی من گەرم دەكاتەوە.
سێ بەسێ تەڵاق دەخوات كورد بخەیتە ناو سندوقی ساردیەوە یەك ریز نابن.
سێ بەسێ تەڵاق دەخوات تراكتۆر بەسەر شەقامی شوشەدا بڕوات تەقە تەق دەكات.