لە سەرەتای کرانەوەی بازاڕەکانی ئاسیادا نرخی نەوت بەشێوەیەکی بەرچاو بەرزبوونەوەی بەخۆیەوە و بەینی زیاتر لە 4 دۆلار بۆ هەر بەرمیلێک بەرزبووەوە، شارەزایانی ئابووری هۆکارەکەی بۆ پێکدادانی نێوان ئیسرائیل و حەماس دەگەڕێننەوە.
ئەمڕۆ دووشەممە 09ـی 10ـی 2023 نرخی نەوت لە سەرەتای کرانەوەی بازاڕەکانی ئاسیادا زیاتر لە چوار دۆلار بۆ هەر بەرمیلێک بەرزبوونەوەی بەخۆیەوە بینی، نرخی نەوتی خاوی برێنت بە ڕێژەی 4 دۆلار و 18 سەنت کە دەکاتە 4.94% بەرزبووەتەوە و گەیشتووەتە 88 دۆلار و 76 سەنت بۆ هەر بەرمیلێک، هاوکات نەوتی خاوی ڕۆژئاوای تەکساسی ئەمریکیش 87 دۆلار و 02 سەنت بۆ هەر بەرمیلێک بەرزبووەتەوە، کە 4 دۆلار و 23 سەنت کە دەکاتە 5.11% بەرزبووەتەوە.
بەرزبوونەوەی نرخی نەوت دوای ڕووبەڕووبوونەوەکانی نێوان ئیسرائیل و حەماس دێت، کە لە بەرەبەیانی ڕۆژی شەممە، كەتیبەكانی عیزەددین قەسام باڵی سەربازیی حەماس لە كەرتی غەززە، دەستپێكردنی ئۆپەراسیۆنێكیان بەناوی “گەردەلوولی ئەقسا” دژی ئیسرائیل ڕاگەیاند و لەبەرامبەردا سوپای ئیسرائیل بە دەیان فڕۆكەی جەنگی هێرشێكی سەربازیی بۆ بەرپەرچدانەوەی ئەو مووشەكانە ڕاگەیاند كە لە كەرتی غەززەوە ئاراستەی دەكرێت، بەمەش سەدان کوژراو و بریندار لەهەردوولا کەوتنەوە.