ئەمڕۆ سێشەممە، بەڕێوبەرایەتی تەندروستی لە پارێزگای نەینەوا ژمارەی گیان لەدەستدانی نوێی بەهۆی ڕووداوی ئاگركەوتنەوەكەی هۆڵی ئاهەنگێڕانی هەیسەم لە شارۆچكەی حەمدانییە ڕاگەیاند و دووپاتی كردەوە كە ژمارەی گیان لەدەستدان بۆ 119 كەس بەرزبووەتەوە.
شەوی سێشەممە لەسەر چوارشەممەی هەفتەی رابردوو لە كاتی بەڕێوەچوونی ئاهەنگێكی بووك گواستنەوە لە شارۆچكەی حەمدانییە، ئاگر لە هۆڵی ئاهەنگەكە كەوتەوە، بەهۆیەوە سەدان كەس گیانیان لەدەست دا و سەدانی دیكەش بریندار بوون.
دواتریش لیژنەی لێكۆڵینەوە لە رووداوەكە هۆكاری دروست بوونی ئاگرەكەی بۆ یارییە ئاگرینەكان گەڕاندەوە.
ژمارەی ئەو كەسانەی لەكارەساتەكەی حەمدانییە گیانیان لەدەستداوە گەیشتە 119 كەس
