ئەمڕۆ شەممە 02ـی 09ـی 2023 کوردانی کەرکووک لەدژی ئاژاوەگێڕییەکانی چەکدارانی حەشدی شەعبی خۆپێشاندانیان ئەنجام دا، محەمەد شیاع سوودانی لەمبارەیەوە ڕاگەیەنراوێکی بڵاو کردەوە و ڕایگەیاند: فەرمانی کرد قەدەغەی هاتووچۆ لە کەرکووک ڕابگەیەنرێت.
لە خۆپێشاندانەکانی کوردانی کەرکووک، چەکدارانی حەشدی شەعبی و هێزە ئەمنییەکانی عێراق تەقەیان ئاراستەی خۆپێشاندەران کرد.
لە ئاڵۆزییەکاندا، خۆپێشاندەرێکی کورد کە ئاڵای کوردستانی بەرز کردبووەوە بە تەقەی هێزە چەکدارەکان لە کەرکووک شەهید کرا و 14 کەسی دیکە برینداربوون