ئەمڕۆ یەکشەممە 20/8/2023، لە چوارچێوەی سەردانەکەیدا بۆ سنووری پارێزگای دهۆک، سه‌رۆك مه‌سعود بارزانی گه‌یشته ئیداره‌ی سه‌ربه‌خۆی زاخۆ و له‌لایه‌ن به‌رپرسانی باڵای ئیداری و حزبییه‌وه پێشوازیی لێ كرا.
سه‌رۆك بارزانی له سه‌ردانه‌كه‌یدا بۆ زاخۆ له نزیكه‌وه له‌گه‌ڵ چین و توێژه‌كانی ئه‌و ده‌ڤه‌ره كۆ ده‌بێته‌وه و گوێ له داخوازی و داواكاری و پێشنیازه‌كانیان ده‌گرێ.
هەر لە چوارچێوەی سەردانەکەیدا بۆ پارێزگای دهۆک، سەرۆک بارزانی ڕۆژی هەینی 18/8/2023 لە قەزای ئاکرێ و ڕۆژی شەممە 19/8/2023 لە قەزای ئامێدی لەگەڵ چین و توێژەکانی ئەو شارانە كۆ بووەوە.
لەو دیدارانەدا سەرۆک بارزانی لەگەڵ چین و توێژەکانی ئەو سنوورانە کۆ بووەوە و وێڕای جەختکردنەوە لەوەی کە پێویستە بەبێ جیاوازی خزمەتی زیاتر بە هاووڵاتییان بکرێت، دەرگای گفتوگۆی بۆ ئامادەبوان کردەوە و بە گرنگییەوە گوێی لە داخوازی و پێشنیازی خەڵکی دەڤەرەکە گرت.