ئه‌سعه‌د عه‌دۆ
هه‌ر چه‌ند لاپه‌ڕه‌ی مێژووی هۆله‌ندا ئاوه‌ژووكه‌ینه‌وه له ماوه‌ی (200) ساڵدا پادشایه‌كانیان ژن بوون ! به‌ڵام له 28/1/2013 (بیاتریكس) كورسی پادشایی بۆ كوڕه گه‌وره‌كه‌ی(ڤیلیم الكسندر) جێهێلا !
به‌ر له ساڵی(2000) بنه‌ماڵه‌ی پادشای هۆڵه‌‌ندا تووشی گیروگرفتێكی زۆر گه‌وه‌ره بوون ، كاك (ئەلكساندەر) كه ئێستا پادشای هۆله‌ندایه لە هاوینە هەواری (سفیلیا)دا ، چاوی بەكچێكی ئەرجەنتینی بەنێوی ماكسیما ( Maxima Zorrequit) دەكەوێت هەردووكیان دەكەونە داوی خۆشەویستی ،
لەوكاتەی رۆژنامەنوسێكی تامەزرۆ ئەم هەواڵەی بڵاوكردەوە ، سەرەتا ئەو خۆشەویستیە گیروگرفتی بۆ خانەوادەی پادشای هۆڵەندا دروستكرد ! ئەم كیژۆڵەیە دەرچوی كۆلێژی ئابوری ئەرجەنتینە ، بۆ تەخەسوسكردن لە ئیشوكاری بانق چوه‌ته نیویۆرك ، لەبەر چاوی میر ئەلكسندەر ماوەی سالێك لە برۆكسل كاریكردووە ، تاكو لە دەزگیرانەكەی نزیك بێت ، ئێستایش لە كۆشك و باڵاخانەی ماڵە مەلیكدا وه‌ك ژنه پادشا دەژیت !
كاتێ مەلیكە گەیشتە ئەو قەناعەتە كە ئەلكسەندەری گەورەكوڕ لاری لەوەدانیە واز لە تەختی پادشایی بێنێ بۆ ئەوەی بتوانێ ئەو كچە ئەرجەنتینیە بخوازێ ، بابه‌ته‌كه قوناغێكی دیكەی بەخۆیەوە بینی ، ئەو مەسەلەیە خرایە بەر ڕای گشتی و لایەنی ئاینی ، لەلایەكدا بنەماڵەی مەلیكە پڕتستانت Protesn و كچه‌كه‌ش كاسۆلیك Katholek بە بۆچونی خۆیان ئەم مەسەلەیە گیروگرفت بۆ دوا رۆژی منداڵەكانیان و تەختی پادشای دروست دەكات ، لە كۆتایدا بڕیارەكە پەی بە خۆشەویستی نێوانیاندا نەبردو لە بەرژەوەندی كوڕو كچە لەنگەری گرت !
بەڵام گفتوگۆی پەرلەمان هەردەهات لقوپۆی لێ زیاد دەبوو ، لەدوای دووساڵ گفتوگۆی جدی به مه‌رجێ بڕیار لەسەر ئەو ژنهێنانە درا كه نابێ باوكی كچەكە ، كە لەكاتی خۆیدا لە حكومەتی Vied`la regime وەزیری كشتوكاڵ بووە ! ئەم حكومەتە لە كۆتایی ساڵی حەفتاكان و سەرەتای هەشتاكان بەرژێمێكی دكتاتۆر ناسرابوو ، هەرچەندە باوكەكە دەڵێ : تەنیا وەزیر بوومە هیچ كەسم نەكوشتوە و خەڵكم تیرۆر نەكردووە ، بەڵام نوێنەرانی خەڵكی هۆلەندا كە لەبەرەبەیانی 7 / ئادار / 2001 ژمارەیان گەیشتە (16) ملیۆن ، ئێستایش خۆی له(18)ملیۆن ده‌دات ، دەلێن : بە هیچ شێوەیەك رێگە نادەین ئەمجۆرە كەسانە كە دەستیان بەخوێنی جوتیارانی ئەرجەنتین سوور هەڵگەڕاوە قاچ لەسەر خاكی هۆلەندا دابنێن بەشداری ئاهه‌نگی مەلیكی دوارۆژمان بكات ، هەروەها لەوە دەترسن خه‌ڵكی هۆڵەندا بە گەیشتنی ئەو كۆنە وەزیرەی حكومەتێكی دیكتاتۆر ، رێپوانی ناڕەزایی بكەن ، هیچ نەبێت دڵیان برنجێ .
ئه‌گه‌ربێتو لاپه‌ڕه‌كانی مێژووی ئیماره‌تی (بۆتان)یش ، هه‌ڵده‌ینه‌وه ، كاتێ گه‌نجانی ئه‌وكات به‌سه‌ركردایه‌تی گه‌نجێكی بنه‌ماڵه‌ی ماڵه‌میری له‌بێ تاقیكردنه‌وه‌یان ئاژاوه‌یه‌ك له ناوچه‌كه دروست ده‌كه‌ن ! كه له ئه‌نجامدا سنوور ده‌به‌زێنن و ژیانی ئاواره‌یی و ده‌ربه‌ده‌ری ماندویان ده‌كه‌ن هه‌ردوولا به‌نیگه‌رانیه‌وه ژیان به‌سه‌رده‌به‌ن !
بۆیه له‌نێو كورده‌واریدا گوتراوه : هه‌رشه‌ڕه‌وه بۆ جوامێرێك ! ئه‌وه‌بوو ئاقڵمه‌ندێك هه‌وڵده‌دا چاره‌سه‌رێ بۆ ئه‌و دڕدۆنیگیه بدۆزێته‌وه كه بوه‌ته هۆكاری نائارامی ناوچه‌كه ! له ئه‌نجامدا ئه‌نجومه‌نی جوامێرانی ده‌ڤه‌ره‌كه له‌دوای گفتوگۆیه‌كی چڕوپڕ ده‌گه‌نه ئه‌و ئه‌نجامه كه له‌نێو كۆمه‌ڵگادا خه‌ڵكی هه‌مجۆرن هه‌یه له‌سه‌روویانه‌وه :
- جوامێری ئه‌وتۆمان تێدایه ئه‌گه‌ر دوو كه‌س ، دوو بنه‌ماڵه ، دوو هۆز نێویانیان تێكچێت ئه‌وه ده‌توانێ داری نێوبژی و دادپه‌روه‌ریان به‌نێواندا بێنێ !
هه‌روه‌كو له كه‌له‌پووری باواندا بۆمان ماوه‌ته‌وه له‌و روانگه‌یه‌وه گیروگرفتی ناوچه‌ی(بۆتان) له(بوورجا به‌له‌ك)بنبڕ ده‌كرێ و خۆشی ده‌گه‌ڕێته‌وه ناو خه‌ڵكه‌كه !
تێبینی :-
دوێنێ دەبا گۆشە هەفتانەکەی مامۆستا ئەسعەد عەدۆ دابەزیبا، بەڵام بەهۆی هەڵەیەکی تەکنیکییەوە كەوتە ئەمڕۆ، هەموو هەفتەیەك لە ڕۆژی دووشەم گۆشەكە دادەبەزێت، بەو بۆنەوە داوای لێبوردن لەو گۆشەنووسە بەڕێزە و خوێنەرە ئازیزەکانیشمان دەکەین