وه‌زیری ده‌ره‌وه‌ی مه‌غریب سه‌ردانی به‌غدا ده‌كات و باڵیۆزخانەی وڵاتەکەی دەکاتەوە.
ئه‌حمه‌د سه‌حاف، گوته‌بێژی وه‌زاره‌تی ده‌ره‌وه‌ی عێراق رایگەیاند، له‌چوارچێوه‌ی هه‌وڵه دیپلۆماسییه‌كانی عێراق بۆ باشتركردنی په‌یوه‌ندییه نێوده‌وڵه‌تییه‌كانی، ئەمڕۆ شه‌ممه 28/1/2023، فوئاد حوسێن وەزیری دەرەوەی عێراق پێشوازی له ناسر بوریته وه‌زیری ده‌ره‌وه‌ی مه‌غریب ده‌كات.
راشیگەیاند، لە سه‌ردانه‌كه‌ی وه‌زیری ده‌ره‌وه‌ی مه‌غریب یاداشتنامه‌ی لێكتێگه‌یشتن و كردنه‌وه‌ی باڵیۆزخانه‌ی مه‌غریب له به‌غدا واژۆ ده‌كرێن.
دوای کۆنترۆڵکردنی چەند شارێکی عێراق لەلایەن رێکخراوی داعش لە 2014، مەغریب باڵیۆزخانەی وڵاتەکەی لە بەغداوە گواستەوە ئوردن و لەوێ کارەکانی رایی دەکرد.