بەڕێوەبەرایەتی پاسپۆرتی پارێزگای هەولێر ئەمڕۆ دووشەممە 02ـی 01ـی 2023 ئاگاداری هاووڵاتییانی کردەوە کە لەمەودوا چەکی پاسپۆرت ڕاستەوخۆ لە نووسینگەکانی بەڕێوەبەرایەتییەکەیان دەکرێت.
لە ڕاگەیەنراوێكدا بەڕێوەبەرایەتی پاسپۆرتی پارێزگای هەولێر ڕایگەیاند: ئاگاداری هاووڵاتییان دەکەینەوە لە ڕێکەوتی 02ـی 01ـی 2023 سەردانی هیچ بانکێک نەکەن بە مەبەستی وەرگرتنی چەکی تایبەت بە پاسپۆرت.
ڕاشیگەیاند: چەکی پاسپۆرت ڕاستەوخۆ لە نووسینگەکانی بەڕێوەبەرایەتی پاسپۆرتی پارێزگای هەولێر دەکرێت کە نووسینگەکان بریتین لە:- (نووسینگەی پاسپۆرتی یەک / نووسینگەی پاسپۆرتی دووی دەوروبەر / نووسینگەی پاسپۆرتی سۆران / نووسینگەی پاسپۆرتی کۆیە) بە بڕی 25 هەزار دیناری عێراقی.