پۆلیسی دەربەندیخان دوو تۆمه‌تبار به‌تۆمه‌تی دزینی سه‌ری مه‌نهۆڵ ده‌ستگیركران
بەڕێوەبەرایەتی پۆلیسی پارێزگای سلێمانی لە ڕوونکردنەوەیەکدا (10ی تشرینی دووەمی 2021) دەڵێت، مه‌فره‌زه‌كانی بنكه‌ی پۆلیسی پیشه‌سازی سه‌ر به به‌شی پۆلیسی ده‌ربه‌ندیخان دوو تۆمه‌تباریان ده‌ستگیركرد كه سه‌ری مه‌نهۆڵ‌و مه‌جاری شه‌قامه‌كانی ناو قه‌زای ده‌ربه‌ندیخانیان دزیبوو.
هێزه‌كانی پۆلیس لێكۆڵینه‌وه‌كانیان ده‌ستپێكردو دوای وه‌رگرتنی بڕیاری به‌ڕێز دادوه‌ر، توانرا دوو تۆمه‌تبار ده‌ستگیر بكرێن‌و له‌به‌رده‌م دادوه‌ردا دانیان به‌تاوانه‌كه‌یاندا ناوه.
راشیده‌گه‌یه‌نن: له‌ئێستادا هه‌ریه‌ك له‌تۆمه‌تباران (أ، أـ ع) له‌دایكبووی 2002 و (م، أ، د) له‌دایكبووی 1995 به‌بڕیاری به‌ڕێز دادوه‌رو به‌پێی مادده‌ی 444 له‌یاسای سزادانی عێراقی ڕاگیراون.