به‌ڕێوه‌به‌رایه‌تی پۆلیسی پارێزگای سلێمانی ئه‌مڕۆ پێنجشه‌م ئاشكرای كرد كه ئه‌و كه‌سه‌یان ده‌ستگیر كردووه كه له ڕێگری له هاووڵاتییان ده‌كرد.
پۆلیسی پارێزگای سلێمانی ڕایگه‌یاند: دوای ئەوەی زانیاری گەیشتە دەست هێزەكانی پۆلیس لەسەر داواكراوێك بە تۆمەتی ڕێگریكردن لە هاووڵاتییان، هێزەكانی پۆلیسی نەهێشتنی تاوانی چەمچەماڵ لێكۆڵینەوەكانی دەست پێ كرد.
ڕاشیگه‌یاند: دوای بەدواداچوون و لێكۆڵینەوەكان توانرا تۆمەتبار بدۆزرێتەوە و بە هەماهەنگی لەگەڵ بەڕێوەبەرایەتی ئاسایشی ڕۆژئاوای سلێمانی دەستگیر بكرێت .
ئاماژه‌ی به‌وه‌ش دا كه لە ئێستادا تۆمەتبار (م. ح. ع. لەدایكبووی 1997) بە بڕیاری دادوەر و بەپێی ماددەی 441 (ڕێگریكردن) لە یاسای سزادانی عیراقی ڕاگیراوە و لێكۆڵینەوە لەگەڵیدا بەردەوامە .