لە24 كاتژمێری ڕابردوو نزیکەی (100) قوتابی لەیەك قوتابخانه لەشاری سلێمانی سەردانی نەخۆشخانەی منداڵانیان کردوە.
ئه‌مڕۆ پێنجشه‌ممه 22 ى 9 ى 2022، له راگه‌یاندراوێكدا، به‌رێوه‌به‌رایه‌تی گشتی ته‌ندروستی سلێمانی بڵاویكرده‌وه: دوای ئەوەی لە(24) کاتژمێری ڕابردوو لەقوتابخانه‌یه‌ك لەناوشاری سلێمانی نزیکەی (100) قوتابی بەحاڵەتی سکچوون و ڕشانەوە سەردانی نەخۆشخانەی د.جه‌مال ئه‌حمه‌د ڕه‌شید تایبەت بەمنداڵان دەکەن.
راشیگه‌یاندراوه، بەمەبەستی بەدواداچوون لەو حاڵە ڕاستەوخۆ بەڕێوەبەری گشتی تەندروستی لیژنەیەکی تایبەت لە( چاودێری تەندروستی ٫ یەکەی ئاو ٫ تەندروستی خوێندنگاکان) ڕاسپارد ڕاستەوخۆ بەدواداچوون بکرێت لەدۆزینەوەی حاڵەتەکان و نمونەی خۆراك و ئاو بۆپشکنینی تاقیگەی وەربگیرێت.
زیاتر لە 90 قوتابی قوتابخانەیەک رەوانەی نەخۆشخانە کران
