ئەمڕۆ دووشەممە 1ـی تشرینی دووەمی 2021 لە سەلاحەددین سەرۆک مەسعود بارزانی پێشوازی لە ڤیکتۆر ریباک باڵیۆزی بیلارووسیا لە عێراق کرد.
لە دیدارەکەدا رۆشنایی خرایە سەر پڕۆسەی سیاسی و ھەڵبژاردنی مانگی ئۆکتۆبەری رابردووی ئەنجومەنی نوێنەرانی عێراق و، قۆناغی دوای ھەڵبژاردن.
ھەر لەو دیدارەدا جەخت لە پەرەپێدانی پەیوەندییەکانی نێوان ھەرێمی کوردستان و بیلارووسیا کرایەوە.
بابەتی کۆچ و ھەماھەنگیی نێودەوڵەتی و ھەمە لایەنە لەگەڵ پرسی کۆچ و کۆچبەران تەوەرێکیتری ئەو کۆبوونەوە بوو، پەیوەست بەم باسەوە سەرۆک بارزانی جەختی لەوە کردەوە کە لە پرسی کۆچ و کۆچبەراندا پێویستە ھەموو لایەک رەچاوی رەھەندە مرۆڤییەکانی ئەم پرسە و پاراستنی ژیانی ژن و منداڵ و کۆچبەران بکەن.
