دانیشتنی دادگای فیدڕاڵی له‌باره‌ی دۆسیه‌ی هه‌ڵوه‌شاندنه‌وه‌ی په‌رله‌مانی عێراق ده‌ستیپێكرد.
ئه‌مڕۆ پێنجشه‌ممه 1ـی ئه‌یلوولی 2022، سه‌رچاوه‌یه‌كی تایبه‌ت له دادگای فیدراڵی رایگەیاند، دانیشتنی دادگای فیدراڵی له‌باره‌ی دۆسیه‌ی هه‌ڵوه‌شاندنه‌وه‌ی په‌رله‌مانی عێراق ده‌ستیپێكردووه و به‌رده‌وامه.
دانیشتنی دادگای فیدراڵی به‌به‌مه‌ستی هه‌ڵوه‌شاندنه‌وه‌ی په‌رله‌مانی عێراق له‌سه‌ر داوای ره‌وتی سه‌دره كه داوای كردبوو ئه‌م خووله‌ی ئێستای په‌رله‌مانی عێراق هه‌ڵبوه‌شێنرێته‌وه و هه‌ڵژبژاردنی پێشوه‌خته ئه‌نجامبدرێن.
رۆژی چوارشه‌ممه 31ـی ئابی 2022، د.به‌شیر حه‌داد، جێگری پێشووی سه‌رۆكی ئه‌نجوومه‌نی نوێنه‌رانی عێراق رایگەیاند، به‌گوێره‌ی ده‌ستووری عێراق، په‌رله‌مانی ئێستای عێراق ده‌توانێت دانیشتن ئه‌نجامبدات و خۆی هه‌ڵبوه‌شێنێته‌وه و جارێكی دیكه هه‌ڵبژاردنی پێشوه‌خته ئه‌نجامبدرێن، دادگای فیدراڵیش ده‌توانێت له‌سه‌ر بنه‌مای پابه‌ند نه‌بوونی په‌رله‌مانی عێراق به‌و واده ده‌ستوورییه‌ی بۆی دیاریكراوه به‌مه‌به‌ستی پێكهێنانی حكومه‌تی نوێ، ئه‌م خوله‌ی په‌رله‌مان هه‌ڵبوه‌شێنێته‌وه.