پۆلیسی ئه‌ڵمانیا رایگه‌یاند: له‌هێرشی هاووڵاتییه‌كی سۆماڵیدا بۆ سه‌ر خوشك و برایه‌كی كوردی ئێزیدی كه‌سێك كوژراو یه‌كی دیكه‌ش برینداربووه.
دوێنێ هه‌ینی 19 ی 8 ی 2022، له‌شاری هانۆڤه‌ر كوردێكی ئێزیدی به‌ناوی نایف تەمۆ ئاڤدەل، خه‌ڵكی شنگال له‌لایه‌ن كه‌سێكه‌وه كوژراو و ئافره‌تێكیش كه خوشكی كوژراوه‌كه‌یه برینداربووه.
پێشتر بكوژ و كوژراو له‌كه‌مپێك به‌یه‌كه‌وه بوونه و كێشه‌یان هه‌بووه.
ئه‌و كه‌سه‌ی هاووڵاتییه كورده‌كه‌ی كوشتووه خه‌ڵكی ووڵاتی سۆماڵه و له‌لایه‌ن پۆلیسی ئه‌ڵمانیاوه ده‌ستگیركراوه و په‌ڕاوی لێكۆڵینه‌وه‌ش سه‌باره‌ت به‌رووداوه‌كه كراوه‌ته‌وه.